ААШТ-ээс хүрэл медаль хүртсэн сагсан бөмбөгийн 3х3 эрэгтэй, эмэгтэй шигшээ багийг 500 сая төгрөгөөр шагнана

Гэрэл зургийг MPA агентлагийн онцгой зөвшөөрөлтэйгөөр ашиглав

Сагсан бөмбөгийн 3х3 эрэгтэй, эмэгтэй шигшээ багийн тамирчдад Монгол Улсын Ерөнхий сайдын нэрэмжит мөнгөн шагнал олгохоор болжээ.

Улсынхаа нэрийг олон улсын хэмжээнд гаргаж, сурталчлан таниулж, Монгол бахархлыг бий болгоход үнэтэй хувь нэмэр оруулж байгаа тул холбогдох журмын дагуу ийнхүү шагнахаар Засгийн газрын өнөөдрийн хуралдаанаар шийдсэн байна. 

Баг тамирчдад олгох шагналын 500 сая төгрөгийг Засгийн газрын нөөц сангаас гаргах аж. 

Эх сурвалж: Засгийн газрын Хэвлэл мэдээлэл, олон нийттэй харилцах газар