С.Жавхлан: Төрийн байгууллагуудад кибер аюулгүй байдлын төсөв тавигддаг болно
Оксфордын их сургуулийн эрдэмтэд Монголын кибер аюулгүй байдлыг үнэлсэн судалгааг өнөөдөр судлаачид танилцууллаа.
Манай улс кибер аюулгүй байдлынхаа түвшнээр 2024 оны байдлаар 193 орноос 103-т жагссан байна.
Кибер халдлага, зөрчилтэй тэмцэх нийтийн төвийн захирал С.Жавхлан "Судалгаагаар манай улсын кибер аюулгүй байдлын зах зээл их жижигхэн байна гэж дүгнэжээ. Технологи, хөрөнгө оруулалтын асуудал байна. Энэ салбарт шаардагдах хөрөнгө нь маш өндөр. Жил хэрэглэх нэг лицензийн программ л гэхэд 400-500 сая төгрөг байна. Иймд хөрөнгө оруулалт маш их хэрэгтэй байна. Манай улсад энэ зах зээл маш бага. Төсөв, мөнгө тавигддаггүй асуудал байгаа.
Төрийн байгууллагуудын мэдээлэл технологийн зардлыг ангилж, кибер аюулгүй байдалдаа зориулах зардлыг тусад нь гарган тодорхой хэмжээний төсөв тавигддаг болно. Бүх төрийн байгууллага хоёр жилдээ нэг удаа эрсдэлийн үнэлгээ, аудит хийлгүүлж тогтох хэрэгтэй.
Кибер аюулгүй байдлын мэргэжилтнүүд дутагдалтай байна. Хөрөнгө оруулалт болон хүнээ бэлдэх нь чухал байна" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
