Уншиж байна ...

Сонгуульд нэр дэвшигчийн заавал хийх контентын стратеги төлөвлөгөө

СУРТАЛЧИЛГАА
2024 оны 4 сарын 3
Сурталчилгаа

Сонгуульд нэр дэвшигчдэд зориулж сонирхолтой агуулгатай нэгэн сургалт зохион байгуулагдах гэж байгаа юм байна. Тус сургалтын багш, мэргэшсэн контент маркетер Д.Гэрэлт-Одтой ярилцлаа.

- Энэ ямар учиртай сургалт вэ?

- Энэ жилийн сонгууль өмнөх жилүүдийнхээс ялгаатай. Жишээ нь, нэр дэвшигчдийн хувьд, зорилтот бүлэгтэй харилцах, тэдэнд нөлөөлөх контент бүтээх талаас нь дараах 4 онцлогтой гэж харж байна.

1. Өрсөлдөх тойрог нь том буюу танигдаж, санал авах хүний тоо олон. Олон хүнд танигдаж, таалагдахын тулд олон нийтэд өргөн хүрээгээр мэдээлэл хүргэдэг суваг ашиглавал илүү үр дүнтэй. Гэхдээ, тэрхүү сувгаар цацах контент олон бас чанартай байх ёстой.

2. Том тойргоос болоод нэр дэвшигч зарим сум, байршлуудад биеэр очиж амжихгүй. Гэхдээ, биеэр очсоноос дутахгүй танигдах хэрэгцээтэй. Ингэхийн тулд, мөн л чанартай, цөөнгүй контент бүтээх хэрэгтэй болно.

3. Шинэ том тойрогт шинэ аймгууд нэмэгдсэнээр, нэр дэвшигчийг “нутгийн хүн” гэж харахгүй учраас олон зуун хүмүүст өөрийгөө таниулах хэрэгцээтэй тулна. Үүнд, дахиад л контент тусална.

зураг
 

4. Сонгуулийн сурталчилгааны сувгуудаас хамгийн хязгаарлалт багатай нь интернэт, сошиал медиа, дижитал платформууд. Таатай нь эдгээр суваг олон нийтэд мэдээллийг хамгийн өргөн хүрээгээр хүргэх боломжтой бас бусад уламжлалт сувгуудаас харьцангуй хямд суваг юм. Гэхдээ, интернэт, сошиал медиа нь чанартай контент ойрхон давтамжтайгаар түгээгдэж байж сайн ажилладаг платформ, дэд бүтэц билээ.

Товчоор дүгнэхэд, ямар зураг харах, ямар утга агуулга бүхий үг, өгүүлбэр нийтэлж, түгээх нь хүмүүсийн сонголт, шийдвэр гаргалт, үйлдэл, зан төлөвт нөлөөлдөг. Тэгэхээр, энэ сургалт сонгуулийн сурталчилгаанд зарцуулах санхүүгийн болон хүний нөөцөө үр ашигтайгаар зарцуулах, контентоор дамжуулж, сонгогдох магадлалаа нэмэгдүүлэх хүсэлтэй нэр дэвшигчдэд туслах зорилготой сургалт юм.  

зураг
 

- Контентын стратеги төлөвлөгөө гэж юу вэ? Ямар хэрэгтэй юм бэ?

- Бид аливааг тодорхой үр дүнд хүрэх гэж хийдэг. Түүнтэй адилаар, контентыг хүрэхийг хүсэж буй зорилгоо биелүүлэх гэж хийх учиртай. Контентоор дамжуулж, зорьсондоо хүрэхийг контентын стратеги, чухам яг юу хийх вэ гэдэг нь төлөвлөгөө юм. Тэгэхээр, сонгуульд нэр дэвшиж буй хүний хувьд, зорилго нь сонгуульд ялалт байгуулах. Харин контентын стратеги нь юуны тухай ярих, ямар агуулга, мессежийг, ямар сувгаар, ямар давтамжтайгаар түгээх, контентын стратегийг хэрэгжүүлэх ажлуудын жагсаалт нь төлөвлөгөө нь юм.

Контентын стратеги дараах зүйлсийг тодорхой болгоход тусална.  

  1. Сонгогчдын анхаарлыг татах: Хүний анхаарлыг, нэр хүндээ унагачихгүйхэн шиг татна гэдэг өнөө үед тун хэцүү болсон бөгөөд маркетерууд, олон нийттэй харилцах мэргэжилтнүүдийн хамгийн том сорилт болсон.
  2. Өрсөлдөгчдөөсөө ялгарах: Өнгөрсөн сонгуулиар, тус бүр 2-4 мандат бүхий 29 тойрогт 606 нэр дэвшигч дэвшсэн. Энэ жил энэ тоо бүр л нэмэгдэх болов уу. Сонгуулийн сурталчилгааны хугацаанд, нэг утга, агуулга бүхий контентууд олон нийтийн хэвлэл мэдээллийн сувгуудаар дүүрдгийг бид мэднэ. Тэднээс яаж ялгарах вэ?
  3. Олон сувгаар, олон контент: Нэр дэвшигч албан ёсны пэйж хуудас, аккаунтаасаа гадна өөр олон сувгуудаар мэдээлэл түгээх хэрэгтэй болно. Тэдгээрт, албан ёсны сувгаас хэлбэрийн хувьд ялгаатай ч агуулгын хувьд ижил ямар контент байхыг тодорхойлох хэрэгтэй.
  4. Троллуудын эсрэг тэмцэх: Сошиал медиа платформд троллуудаас болоод хэдий эерэг, чанартай, сайн контент түгээгээд ч үр нөлөө бага байх тохиолдол байдаг. Тиймээс, троллуудад бага автах сувгуудыг илрүүлж, тохирох контентуудыг бүтээж, түгээх хэрэгтэй. 
  5. Өөрийн группүүдийг хөгжүүлэх: Намууд тойргуудад, тэр дундаа орон нутгийн тойргууд дах олон хүнтэй группүүдийг худалдаж авсан байх нь элбэг. Үүнтэй холбоотойгоор, өрсөлдөгч намын нэр дэвшигчийн контентыг группт нийтэлдэггүй. Тиймээс, богино хугацаанд олон гишүүн оруулах групп хөгжүүлэх хэрэгцээ үүсэхийг үгүйсгэхгүй. Тэгсэн тохиолдолд, группт юу нийтэлбэл олон хүн орж ирэхийг тодорхойлоход контентын стратеги тусална.
  6. Бүүстийн үнэ хаялцалт: Сонгуулийн сурталчилгааны ид үед, бүүстийн үр дүн буурдаг. Үүнтэй холбоотойгоор, бүүстлэх шаардлагагүйгээр мэдээлэл хүргэж болох сувгуудыг олж, илрүүлэх, хөгжүүлэх, тэнд бас ямар контент түгээхийг шийдэхэд тусална.
  7. Юу хийхээ мэддэг байх: Олон нийттэй харилцах, сурталчилгаа, контент бүтээж, түгээх ажлаа итгэлтэйгээр хийхэд тусална. Юу хийхээ мэдэхгүй, үргэлж яарсан, сандарсан, гал унтраасан, гүйцэтгэл муутай ажиллах байдалд өөрийгөө болон багаа хэзээ ч оруулахгүй. Ядаж байхад, сонгуулийн сурталчилгаа хийх хугацаа нь ердөө 16 хоног. Энэ хугацаанд хийсэн бүх контентууд нь үр ашигтай байхыг хүсэж байгаа бол энэ сургалт тусална.   

Сонгуулийн сурталчилгааны хуульд, телевиз, сонин, сэтгүүл, радио, самбар гэх мэт мэдээлэл түгээх, сурталчилгааны сувгууд хязгаарлагдмал буюу контентын хугацаа, хэмжээ зааж өгсөн байсан. Харин интернэт, сошиал медиад контент бүтээж, түгээх хэмжээг хязгаарлаагүй. Гагцхүү, сувгаа бүртгүүлэх учиртай. Азаар, Монгол улсад интернэтийн нэвтрэлт, сошиал медиа хэрэглээ хот хөдөөгийн ялгаа байхгүй болсон. Тиймээс, энэ жилийн сонгуулийн сурталчилгааны контентуудын дийлэнх нь интернэтэд, сошиал медиад байх болов уу. Энэ платформ нь чанартай, цөөнгүй тооны контентыг стратегитайгаар бүтээж, тогтмол түгээснээр үр дүнтэй ажилладаг.

зураг
 

- Контентын стратеги яг яаж тус болох юм бэ?

- Хүн хэдийгээр өөрт нь хамааралтай ч аливаа саналыг сонсоод шууд сонгож, шийдвэр бараг гаргадаггүй буюу сонголт хийж, шийдвэр гаргахын тулд тодорхой үе шат, алхмуудыг туулдаг гэдэг. Тэр алхам бүрд нь зориулж, зорилтот бүлэгт нөлөөлөх контентууд хийх хэрэгтэй болдог. Контент стратеги тэр контентууд ямар агуулгатай байхыг тодорхойлоход тусална.

Дээрх нь, сонгуулийн сурталчилгааны хугацаа 16 хоног. Тэгэхээр, багадаа, 16 ширхэг нийтлэл, 16 ширхэг видео, 16 ширхэг сошиал пост гээд, нийт 48 ширхэг контент хэрэгтэй. Багадаа шүү. Гэтэл, ганцхан фэйсбүүкт гэхэд л стори, рийл, пост гээд контентын 3 хэлбэрээр контент бүтээж, түгээж болно. Өдөрт 2 пост орвол сайн гэдэг. Рийл, стори бол хэд ч байж болно. Нэмээд, сошиалд фэйсбүүкээс өөр олон сувгууд бий. Товчхондоо, олон тооны контент хэрэг болно. Хар пиарын эсрэг контентууд бас бэлтгэж, нөөцлөх хэрэгтэй. Тэр бүгдийг, стратегитай, төлөвлөгөөтэй байснаар үр дүнтэй байлгана.

зураг
 

Сургалтад хэн суух хэрэгтэй вэ?

  1. УИХ-н сонгуульд нэр дэвшигчид, дэвшихээр төлөвлөж буй хүмүүс
  2. Нийслэл, орон нутгийн сонгуульд нэр дэвшихээр төлөвлөж буй хүмүүс. Тэдэнд хугацаа байгаа учир сурталчилгааны бага зардлаар, богино хугацаанд үр дүнтэй хийх боломж илүү бий.
  3. Намын олон нийттэй харилцах ажилтан, мэргэжилтнүүд
  4. Намын сонгуулийн менежерүүд
  5. Нэр дэвшигчийн сонгуулийн менежерүүд
  6. Нэр дэвшигчид ажиллаж буй олон нийттэй харилцах багийнхан
  7. Сошиал медиа хариуцсан багийнхан
  8. Хэвлэл мэдээллийнхэн

Сургалтаас хүмүүс юу авч үлдэх вэ?

  1. Зорилтот бүлэг гэж хэн бэ? Яаж үнэн зөвөөр тодорхойлох вэ?
  2. Зорилтот бүлэгт яаж хүрэх вэ буюу ямар сувгаар мэдээлэл хүргэх вэ?
  3. Зорилтот бүлэгт юу ярих вэ буюу мессеж гэж юу вэ? Түүнийг яаж тодорхойлох вэ?
  4. Контентын санаа, мессеж, сэдвээ хаанаас олох вэ?
  5. Ямар хэлбэрийн контент бүтээх вэ?
  6. Ямар хүний нөөц хэрэгтэй вэ?
  7. Контент бүтээлтийн зардлаа хэрхэн тодорхойлох вэ?
  8. Яаж контент бүтээх ажлаа удирдах вэ?

гэх мэт цаг болон зардал хэмнэх, ажлаа төлөвлөхөд туслах олон зүйлсийн талаар мэдэж авна. 

Сургалт хаана, хэзээ болох вэ?

Сонгуульд нэр дэвшигчдэд зориулсан контентын стратегийн сургалт

Эхлэх өдөр: 4 дүгээр сарын 12
Цаг: 19:00
Байршил: Тэнгис кино театрын хойно байрлах Оранж төвд 9 давхарт болно. Мөн сонгуулийн штаб дээрээ, багийнхандаа сургалт авах боломжтой.
Холбоо барих: Контент Марктер Гэрэлт-Од

Сургалтад ЭНД дарж бүртгүүлнэ үү.  

Сургалтын сургагч багш Д.Гэрэлт-Од нь хэд хэдэн ном болон киноны зохиолч бөгөөд контентын чиглэлээр 2001 оноос хойш ажиллаж байгаа, чамгүй туршлага хуримтлуулсан, Америкийн Контент Маркетинг Институтийн Мастер Классын төгсөгч, Монголын цорын ганц мэргэшсэн Контент маркетер юм. 

зураг
 

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.