"The MongolZ" шөвгийн дөрөвт шалгарахын төлөө Туркийн "Eternal Fire" багтай энэ Баасан гарагийн 22:45 цагаас тоглоно

Гэрэл зургийг MPA агентлагийн онцгой зөвшөөрөлтэйгөөр ашиглав

Цахим спортын "Counter Strike 2" тоглоомын дэлхийн аварга шалгаруулах тэмцээний дараа эрэмбэлэгддэг "Intel Extreme Masters Katowice 2025"-ийн хэсгийн шатны тоглолтууд өнгөрсөн шөнө явагдаж дууслаа. 

Польшид зохиогдож буй нэг сая ам.долларын шагналын сантай тус тэмцээний хэсгийн шатанд манай улсын "The MongolZ" баг урилгаар оролцож байгаа. Тэдний хувьд В хэсэгт хоёр удаа хожсон учраас Playoffs буюу хасагдах шатанд оролцох эрхээ авсан.

Үргэлжлүүлэн хэсгээсээ нэгдүгээр байраар гарахын төлөө 2024 оны дэлхийн аварга Украины "Natus Vincere" багтай өнгөрсөн шөнө тоглож, 0:2-оор хожигдлоо. Тус тоглолтод манай баг эхний "Mirage map" дээр 3:13-аар, хоёр дахь "Ancient map" 9:13 онооны харьцаатай ялагдал хүлээсэн байна. 

Ийнхүү тэд "IEM Katowice 2025" тэмцээний шөвгийн наймд Туркийн "Eternal Fire" багийн эсрэг 11 мянган хүний суудалтай "Spodek" цэнгэлдэх хүрээлэнд Баасан гарагийн 22:45 цагт тоглохоор боллоо. Энэ тоглолтод "The MongolZ" баг хожвол шөвгийн дөрөвт Францийн "Team Vitality" багтай энэ сарын 8-ны 22:45 цагт тоглох болно.

"The MongolZ" багийн өнгөрсөн шөнийн тоглолт: