• 3 сарын 13, Пүрэв
|
Уншиж байна ...

СЭРЭМЖЛҮҮЛЭГ: Гараашинд байрлуулсан машинуудын цонхыг хагалж, эд зүйлс хулгайлах тохиолдлууд гарч байна

Г.Мөрөн, iKon.mn
33 минутын өмнө
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Сүүлийн үед цагдаагийн байгууллагад гарааш дотор байрлуулсан автомашинд хулгай орсон байна гэх дуудлага, мэдээллүүд бүртгэгдэж байна.

Тухайлбал энэ оны гуравдугаар сарын 5-наас гуравдугаар сарын 6-нд шилжих шөнө Баянзүрх дүүргийн 22 дугаар хорооны нутаг дэвсгэрт байрлах хотхоны орон сууцны гарааш дотор байрлуулсан иргэдийн автомашины салхины шил, гурвалжин цонхыг хагалж, эд зүйл алдагдсан гэх дуудлага, мэдээлэл цагдаагийн байгууллагад бүртгэгдэн шалгалтын ажиллагааг явуулж байна.

Шалгалтаар бусдын өмчлөх эрхэд халдаж, хулгайлах гэмт хэргийг үйлдсэн байж болзошгүй “А”-г олж, тогтоон шалгалтын ажиллагааг үргэлжлүүлж байна.

Тухайн орон сууцны доод давхарт байрлах гараашууд нь хяналтын камертай хэдий ч байнгын харуул хамгаалалтгүй, чипээр онгойдог мөн орцоор дамжин гарааш руу ордог зэрэг нь гэмт хэрэг үйлдэгч этгээдэд саадгүй чөлөөтэй нэвтрэх боломж, нөхцөлийг бүрдүүлсэн байж болзошгүй байх тул Сууц Өмчлөгчдийн Холбоо(СӨХ) болон иргэд та бүхэн сонор сэрэмжтэй байхыг сэрэмжлүүлж байна.
зураг
 

 

Эх сурвалж: Цагдаагийн Ерөнхий Газар