А.Болдсүх Өмнөд Солонгосын шигшээ багт сонгогдлоо

Энэ сарын 19-нөөс 25-ныг дуустал Олон Улсын Сагсан бөмбөгийн Холбоо (FIBA)-ны Азийн Аварга Шалгаруулах Тэмцээн (ААШТ)-ий хэсгийн шатны сүүлийн тоглолтууд болно.

Хэсгийн сүүлийн тоглолтыг БНСУ-ын шигшээ баг Тайланд, Индонезийн багтай өрсөлдөнө. Энэ тоглолтод оролцох тоглогчдоо Өмнөд Солонгосын шигшээ баг зарлаж эхэллээ. 

Тодруулбал "Busan KCC Egis" багаас хоёр тоглогч шигшээ багтаа дуудагдсан байна. Тэдний нэг нь И Ген Хе буюу Х.Болдсүх юм. 

Тэрбээр 1998 оны зургаадугаар сарын 9-нд Монголд төрсөн. Багаасаа Өмнөд Солонгост амьдарч эхэлснээр сагсан бөмбөгийн гараагаа тус улсын бага, дунд сургуульд эхлүүлж, улмаар 2020 оны драфтаар Дээд лигийн "Busan KKC Egis" багт сонгогдсон түүхтэй.

Түүний баг өнгөрсөн жил Өмнөд Солонгосын Дээд лигт түрүүлснээр энэ жил Азийн аваргуудын лигт өрсөлдөж байгаа билээ.

Х.Болдсүх Азийн аваргуудын лигийн гурван тоглолтод оролцохдоо дунджаар 17 оноо авч байгаа юм.