ЧАНАР 93
ЧАНАР 95
ЧАНАР 85
ЧАНАР 79
ЧАНАР 51
ЧАНАР 28
ЧАНАР 37
ЧАНАР 75
ЧАНАР 106
ЧАНАР 188
ЧАНАР 7
ЧАНАР 50
ЧАНАР 292
ЧАНАР 62
ЧАНАР 84
ЧАНАР 27
ЧАНАР 93
ЧАНАР 135
ЧАНАР 65
"Урь орж, ус гэсэхээр Гашуунсухайт-Ганцмодны төмөр замын бүтээн байгуулалтыг яаравчлан эхлүүлэх төлөвлөгөөтэй байна"
Засгийн газрын ээлжит хуралдаанаас гаргасан зарим шийдвэрийг Аж үйлдвэр, эрдэс баялгийн сайд Ц.Туваан танилцууллаа.
Гашуунсухайт-Ганцмодны төмөр замын хил холболтын хэлэлцээрийн талаар тэрбээр дараах мэдээллийг хүргэсэн юм.
Энэ тухайд "БНХАУ-тай хийж байгаа Засгийн газар хоорондын хэлэлцээрийг зурах эрхийг олгох шийдвэр өнөөдрийн хуралдаанаас гарсан.
2025 оны хоёрдугаар сарын 13-15-ны хооронд Монгол Улсын Ерөнхий сайдын айлчлалын үеэр энэ бичиг баримтыг эцэслэн зурна.
Өнгөрсөн хугацаанд Монгол Улсын хууль тогтоомжийн дагуу УИХ-ын Эдийн засаг болон Аюулгүй байдал, гадаад бодлогын байнгын хороогоор орж, гарын үсэг зурах зөвшөөрлийг хуулийн дагуу олгосон.
УИХ-аар өмнө нь хил холболтын төмөр замын асуудлыг оруулсан. Засгийн газрын хэлэлцээрт баримтлах үндсэн чиглэлийг УИХ-ын 58 дугаар тогтоолоор батлуулж авсан байдаг" гэлээ.
Үргэлжлүүлэн "Хоёр улсын төрийн өмчийн компанийн хооронд гурван гэрээний асуудал бий.
Тодруулбал
- Нүүрс худалдах, худалдан авах гэрээ
- Төмөр замын хил холболтын бүтээн байгуулалт
- Уурхайн хүчин чадлыг нэмэгдүүлэх
Эдгээр ажлыг нэгэн зэрэг явуулна.
Болж өгвөл бууруулж хэмнэх тал дээр Зам Тээврийн Яам ажиллаж байна. Энэ санхүүжилтийг нүүрсээр биш "Эрдэнэс Тавантолгой" компанийн мөнгөөр төлж бүтээн байгуулалтын ажлыг хийнэ" гэдгийг Аж үйлдвэр, эрдэс баялгийн сайд Ц.Туваан ярилаа.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
