“Алтан Жолоо Трейд” ХХК шилдэг аж ахуйн нэгж амжилтаа дахин бататгалаа

Монголын Үндэсний Худалдаа Аж Үйлдвэрийн Танхимаас Монгол Улсын нийгэм, эдийн засгийн хөгжилд үнэтэй хувь нэмрээ оруулж буй оны онцлох аж ахуй нэгж, бизнес эрхлэгчдийг шалгаруулдаг “ENTREPRENEUR-2023” шагнал гардуулах хүндэтгэлийн арга хэмжээг 26 дахь жилдээ уламжлал ёсоор зохион байгуулж, арга хэмжээний үеэр 2023 оны Монгол Улсын “Оны шилдэг аж ахуйн нэгж”-ээр “Алтан Жолоо Трейд” ХХК шалгарч амжилтаа дахин бататгалаа.

 

“Алтан Жолоо Трейд” ХХК 1997 оноос эхлэн Сансар сүлжээ дэлгүүрээр худалдаа үйлчилгээний салбартаа өнөөдрийг хүртэл тэргүүлж байгаа бөгөөд 2023 онд хүнсний аюулгүй байдал, чанар стандарттай бүтээгдэхүүн, хямд үнэ гэсэн тодотголтой дэлхийд чансаагаараа тэргүүлэгч Carrefour олон улсын сүлжээ дэлгүүрийг Монголд албан ёсоор нээж хэрэглэгчдэдээ байгалийн гаралтай, эко, олон улсын чанар стандартын баталгаатай Carrefour нэрийн шошготой 3000-5000 гаруй нэр төрлийн бараа, бүтээгдэхүүн, чанартай үйлчилгээг хүргэж нийгмийн хариуцлагаа ухамсарлан ажиллаж байна.