ГРАФИК: Монгол Улсын эрчим хүчний системийн ачаалал

Гэрэл зургийг MPA агентлагийн онцгой зөвшөөрөлтэйгөөр ашиглав

Эрчим хүчний системийн 2023 оны арванхоёрдугаар 11-ний өдрийн оргил ачаалал 19:00 цагт 1,531 МВт хүрч өнгөрсөн оны мөн үеэс 111 МВт-аар өссөн байна.

Системийн нийт ачааллыг бүсчлэн харвал:

 

• Баруун бүс - 52МВт
• Алтай-Улиастай бүс - 26МВт
• Төвийн бүс - 1,531МВт
• Дорнод бүс - 37МВт

График 1: Эрчим хүчний хэрэглээ сүүлийн 7 хоногт

График 2: Эрчим хүчний импорт 2023 оны арванхоёрдугаар сарын 1-нээс хойш

Хэрэглэгч та оргил ачааллын цагуудад (17:00-22:00) ашиглахгүй байгаа цахилгаан хэрэгслүүдээ унтрааж, хэрэглээгээ зохицуулснаар оргил ачааллыг бууруулж, импортын зардлыг багасгахад хувь нэмрээ оруулж байгаа юм.

АЙЛ ӨРХ ЦАХИЛГААНАА ХЭРХЭН ХЭМНЭХ ВЭ? 

• Индүү, тоос сорогч, угаалгын машин зэргийг 17:00-22:00 цагаас өөр цагуудад ажиллуулах
• Цахилгаан зуухны халаах хэсэг хоолны савны ёроолын хэмжээтэй адил байвал цахилгааны хэрэглээг 60 хувь хүртэл бууруулна
• Хоол, цайг буцалсны дараа плиткийн температурыг бууруулах, хоол бүрэн болохоос өмнө ширмэн зуухыг салгаж үлдэгдэл дулааныг ашиглах
• Хоол хийх үедээ савныхаа тагийг тавих, ингэснээр эрчим хүчний хэрэглээгээ 2.5 дахин багасгана
• Цагийн тохируулгатай будаа агшаагч зэрэг цахилгаан хэрэгслийг 17:00 цагаас өмнө ажиллуулах
• Хоёр тарифт тоолууртай бол цахилгаан хэрэгслээ 21:00-06:00 цагийн хооронд ажиллуулах замаар өдрийн цагаар зарцуулдаг цахилгааны төлбөрөө 2 дахин багасгах боломжтой
• Индүү 17-26 ширхэг 100 Вт-ын чийдэнтэй тэнцэх цахилгаан хэрэглэдэг. 21:00 цагаас хойш индүүгээ ашиглах
• Хэрэглээгүй телевизор, wifi төхөөрөмж, DVD тоглуулагч, хөгжим, гар утасны цэнэглэгч, хэт богино долгионы зуух, компьютер зэргийн залгуурыг тогтмол салгаж хэвших /Ашиглахгүй байгаа залгаатай цахилгаан хэрэгслүүд өрхийн цахилгааны хэрэглээний 7-25 хувийг эзэлдэг/ 
• Гар утсаа цэнэглээд цэнэглэгчээ залгаатай хэвээр нь үлдээдэг бол жилд 560 төгрөг дэмий үрэгдүүлнэ.
• 5 минут шүршүүрт ороход ванны 1/3-тэй тэнцэх хэмжээний ус ордог. Энэ нь ус халаах эрчим хүчийг хэмнэж байгаа юм.
• Эрчим хүчний хэмнэлттэй А, А+, А++ ангиллын гэр ахуйн цахилгаан хэрэгслийг сонгосноор цахилгааны зардлаа 15-30 хувь хэмнэнэ.

Эрчим хүчээ хэмнэж, зохистой хэрэглэцгээе!