Охиныг агаараас эрэн хайхаар Дорноговь аймгийн Мандах сум руу нисдэг тэрэг хөөрчээ
Дорноговь аймгийн Сайншанд суманд 2023 оны аравдугаар сарын 3-ны өдөр сураггүй алга болсон 12 настай охиныг гурав дахь өдрөө эрэн хайж байгааг Цагдаагийн байгууллагаас мэдээлээд байгаа.
Эрлийн ажиллагааг агаараас үргэлжлүүлэхээр өнөөдөр/2023.10.05/ 07:04 цагт Дорноговь аймгийн Мандах сум руу нисдэг тэрэг явуулсан байна.
Агаараас эрэн хайх, аврах 111 дүгээр ангийн МТ-1111 дугаартай нисдэг тэрэгт нисгэгч нэг, инженер нэг, цагдаагийн ерөнхий газрын таван алба хаагч эрэн хайх ажиллагаанд оролцохоор явсан болохыг ОБЕГ-аас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
