"Эрчим хүчний салбарын ажлын байрууд орчны хувьд эрсдэлтэй байна. Үүнийг ажилтан үүрээд явах нь шударга юм уу"
Монголын эрчим хүчний салбарын ажилтнуудын улсын анхдугаар зөвлөгөөн өнөөдөр болж байна. Энэ үеэр эрчим хүчний салбарт ажиллаж буй хүмүүсийн ажлын байрны аюулгүй байдал цалин хөлсний асуудлын талаар холбогдох мэргэжилтнүүд дараах мэдээллийг өглөө.
Монголын эрчим хүч, геологи уул уурхайн үйлдвэрчний эвлэлийн холбооны дарга Д.Долгор "Эрчим хүчний салбарынхан уул уурхайн салбарын ажилтнуудаас 207.4 хувиар бага цалин авч байна. Ийм учраас эрчим хүчний салбарын ажилтнууд уул уурхайн салбар луу очиж ажиллаж байна. Эрчим хүчний салбарын ажлын байрууд техник, орчны хувьд эрсдэлтэй байна. Цаашид энэ эрсдэлийг ажилтан хүн үүрээд явах нь шударга юм уу. Ийм орчин нөхцөлд ажил үүргээ гүйцэтгэх нь ажилтан хүний үүрэг юм уу?" гэв.
Эрчим хүчний яамны Төрийн нарийн бичгийн дарга Н.Тавинбэх "Нарийн мэргэжил, ур чадвар, дадлага туршлага шаарддаг энэ салбарын хамт олон амьдралд хүрэлцэхүйц цалин хөлстэй байх хэрэгтэй. Ямар хэмжээнд нэмэх вэ гэдгийг нарийн тооцсон аргачлал алга байна. Энэ салбарт өнөөдрийн байдлаар цалин хөлс нэмэх санхүүгийн эх үүсвэр огт байхгүй байна" гэв.
Эрчим хүчний салбарт ажиллаж буй мэргэжилтнүүдийн тулгамдаж буй асуудлынхаа талаар дараах зүйлсийг хэлжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
