Зургаадугаар сарын 1-нд Диснейн үлгэрийн баатрууд төв талбайгаас парад алхана
Хүүхдийн баярт зориулсан "Монгол хүүхдүүд 2025" арга хэмжээ зургаадугаар сарын 1-нд төв талбайд болно гэж НЗДТГ-ын хэвлэлийн хэлтсээс мэдээлэв.
Энэ үеэр "Шидэт мөрөөдөл" болон Диснейн үлгэрийн баатрууд бүхий 150 хүний бүрэлдэхүүнтэй парад болох хөтөлбөртэй байна.
Ингэснээр хүүхдүүдийн үзэх дуртай хүүхэлдэйн киноны баатруудыг дэргэдээс нь харах боломжийг олгох бөгөөд дэлхийн сор болсон хүүхэлдэйн киноны дүрүүдийг Монголд авч ирж, ид шидийг амилуулахыг зорьж байгааг "Мэжик маскот" энтертайнментийн найруулагч онцолжээ.
Түүнчлэн төв талбайд Ариунаа, ThunderZ, Davaidasha, Luuya, Munkh Tunkh, Wasabies, Foux, Becca, Gremix, Мичидмаа, Уянгадарь, Улаан бүч чуулгын уран бүтээлчид хүүхэд багачуудтай хамт байх аж.
Хүүхдийн баяраар буюу зургаадугаар сарын 1-нд бүх нийтээр амрах хуультай ч энэ жил Ням гарагт тохиож байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
