Gremix: Цахимаар хүнтэй харилцсан бол гэр бүлийнхэндээ заавал хэлээрэй
Цахим орчинд үйлдэгдэж буй гэмт хэргээс сэрэмжлүүлэх зорилгоор контент бүтээгч Gremix өөрийн түүхээ хуваалцжээ.
Тодруулбал цахим орчинд хэн нэгний дүрээр хаяг нээсэн этгээдүүд хүүхэд, залуустай урт удаан хугацаанд харилцаж, итгүүлснийхээ дараа хувийн, эмзэг мэдээллийг нь олж авч, улмаар түүгээр нь сүрдүүлэх гэмт хэрэг гарсаар байгаа юм.
Иймд Фэйсбүүк, Инстаграм зэрэг олон нийтийн сүлжээний хаягууддаа танихгүй, нэр нүүрээ нуусан хүнийг найзаар авахгүй байх, хувийн мэдээллээ бусдад хэлэхгүй, зураг бичлэгээ илгээхгүй байхыг Цагдаагийн Ерөнхий Газраас анхааруулж байна. Ингэснээрээ та өөрийгөө цахим гэмт хэргийн хохирогч болохоос сэргийлж чадна.
Түүнчлэн эцэг эх, асран хамгаалагчид хүүхдүүдийнхээ цахим хэрэглээнд анхаарал тавих, сэрэмжлүүлэг мэдээлэл өгч байхыг зөвлөе.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
