ЗӨВЛӨГӨӨ: Хүн хэдэн цаг унтвал тохиромжтой вэ?

Эрүүл мэндийн яамнаас насны онцлогоос хамааран хэдэн цаг унтвал зохих зөвлөмжийг АНУ-ын Үндэсний "Нойрны эрүүл ахуй" сэтгүүлийн материал дээр үндэслэн гаргажээ.

• Нялх үе (0-3 сар) 14-17 цаг
• Балчир үе (4-11 сар) 12-15 цаг
• Бага нас (1-2 нас) 11-14 цаг
• Сургуулийн өмнөх нас (3-5 нас) 10-13 цаг
• Сургуулийн нас (6-13 нас) 9-11 цаг
• Өсвөр нас (14-17 нас) 8-10 цаг
• Залуу нас (18-25 нас) 7-9 цаг
• Насан хүрэгчид (26-64 нас) 7-9 цаг
• Ахимаг нас (65-аас дээш нас) 5-6 цаг

Бидний унтаж амрах цаг хугацаа нь тухайн хүний онцлог байдлаас хамаарч харилцан адилгүй байдаг. Гэвч өдөрт дунджаар 7-9 цаг унтаж байж хангалттай амарч бидний эд эс, эрхтэн тогтолцоо бүрэн сэргэдэг болохыг нойр судлалын шинжлэх ухаанчид баталсан байна. 

 

Эрүүл мэндийн яам

Үндэсний статистикийн хорооны 2019 оны "Цаг ашиглалтын судалгаа"-аар 12-оос дээш насны Монгол хүн өдөрт дунджаар 552 минут буюу 9.2 цагийг унтахад зарцуулдаг аж. 

Өдөрт нойронд зарцуулж буй дундаж цагийг насны ангиллаар аваад үзвэл:

• 12-17 насныхан 9.9 цаг
• 18-24 насныхан 9.5 цаг
• 25-39 насныхан 9.2 цаг
• 40-59 насныхан 8.9 цаг
• 60-аас дээш насныхан 9.5 цаг унтдаг.

Харин иргэдийн унтахад зарцуулдаг дундаж минутыг байршлаар нь авч үзвэл:

• Нийслэлийн иргэд 556 минут
• Аймгийн төвийн иргэд 571 минут
• Сумын төвийн иргэд 559 минут
• Хөдөөгийн иргэд 524 минутыг унтахад зарцуулдаг байна.