Сайн уу Эрдэнэт, сайн уу Дархан, GS25 байна

Үйлчилгээний стандарт, ая тух, найрсаг байдлаараа дэлхийд тэргүүлэгч олон улсын сүлжээ GS25 дэлгүүрийн мастер франчайз үйлчилгээг Монголд амжилттайгаар нутагшуулсан “Дижитал Концепт” ХХК, хоёр жилийн ойн баярын хүрээнд, Дархан, Эрдэнэтэд хотуудад хэмнэл нэмэхээр ирлээ. 2021 оны 5-р сарын 18-нд анхны салбараа нээж байсан ая тухтай дэлгүүр GS25 нь 2 жилийн хугацаанд нийт 182 байршилд хотын соёлыг түгээж байна.

Тэгвэл хотын соёл хаанаас эхэлдэг вэ?

Нэг нийгэм, нэг нутаг дэвсгэрт амьдарч буй хүмүүс хэрхэн зохицон амьдарч байгаа нь хотын өнгө үзэмж, соёлоор нь тодорхойлогддог. 21-р зуунд дэлхий нийттэй хөл нийлүүлэн алхахын тулд хүн бүр амьдран суугаа орчиндоо хүндэтгэлтэй хандаж, цэвэр цэмцгэр, аюулгүй орчин цогцлоохоос ирээдүй эхэлнэ. Тиймээс бусдадаа үлгэрлэн, манлайлж, соёлыг түгээсэн газар л хөгжин цэцэглэдэг. Үүний тод жишээ бол олон улсын стандартыг Монголдоо нутагшуулж, дэд бүтцээрээ дамжуулан хэрэгцээт бүхнийг чанарын баталгаатайгаар хотын өнцөг булан бүрд байршуулж, салбар бүхнээрээ ая тух мэдрүүлж, хүний суурь хэрэгцээг хангах олон чиг үүргийг гүйцэтгэж байгаа GS25 олон улсын сүлжээ юм. Монгол улсад үйл ажиллагаагаа эхэлсний 2 дахь жилийн хүрээнд 200 дахь салбараа нээхээр зэхэж буй тус франчайз 182 байршилд соёлыг түгээж, аюулгүй байдал, чанар стандарт, тав тух, өнгө төрхийг бүрдүүлж байна.

 

 

Саяхан л их хотын эртэч иргэд завгүй өдрийг эхлүүлэхдээ тав тухтай үйлчлүүлэх газаргүй байсан бол өдгөө нар мандахтай зэрэгцэн, ойрхон аль ч салбарт гар утас цэнэглэх, үнэгүй интернэт ашиглах, найз нөхөдтэйгөө уулзах, шинэ өдрөө төлөвлөх, бодлоо цэгцлэн суух, эрч хүчээ сэлбэх боломжтой болжээ. Их хотын завгүй хэмнэлд хурдан шуурхай үйлчлүүлж, ажлын бүтээмжээ нэмэгдүүлэх боломж тэр бүр байдаггүй байлаа. Тэгвэл GS25-ийн ачаар богино хугацаанд хэрэгцээгээ хангаж, их ажил төлөвлөн амжуулж байгаа талаараа иргэд ярьж байна.

 

Аялал жуулчлалын салбарын хөгжил ч хотын соёлтой салшгүй холбоотой. Хувцсаар нь угтаж, ухаанаар нь үддэгийн том жишээ бол үйлчилгээний соёл. Төлбөрийн боломжит нөхцөл, хэрэгслээр дамжуулан, ямар ч үед тухайн үндэстний онцлогийн шингээсэн хоол хүнсийг чанарын баталгаатай авч хэрэглэнэ гэдэг тухайн улсад итгэх итгэл, хөгжил цэцэглэлийн суурь юм. Хотын иргэдээс гадна манай улсыг зорин ирэх жуулчдад тав тухтай, аюулгүй орчныг GS25 бүрдүүлэн ажиллаж байгаа нь сайшаалтай.

Өглөөний цайгаа авч гараад, шинэ өдрийн эрч хүчээ авчихдаг, өдөр нь ойр зуурын хэрэгцээт бүтээгдэхүүн, үйлчилгээгээ авчихдаг, орой сунаж ажиллахаар бол ойрхон салбараар үйлчлүүлээд цагаа хэмнэчихдэг GS25 монголчуудын байнгын хэрэглээ болоод хоёр жилийн нүүр үзжээ. Тэд ажил алба, аялал зугаалга гээд ямар ч үед, хаана ч баталгаатай, ойрхон, аюулгүй, цэвэрхэн, тухтай үйлчилгээгээр хотын соёлыг түүчээлсээр, энэ эрчээрээ Улаанбаатар хотоос гадна буюу Дархан, Эрдэнэт хотуудад шинэ хэмнэл нэмж, хотын соёлыг түгээсээр байна.