УБТЗ-ын албан тушаалтан асан С.Батдөлийг дахин нэг сар хорихоор болжээ

Цагдаагийн Ерөнхий Газар

Нийслэлийн Прокурорын газрын хяналтын прокуророос яллагдагч С.Батдөлд авсан цагдан хорих таслан сэргийлэх арга хэмжээний хугацааг сунгуулах тухай санал ирүүлснийг Баянгол дүүргийн Эрүүгийн хэргийн анхан шатны шүүх өчигдөр хэлэлцжээ.

Эрүүгийн хэрэг хянан шийдвэрлэх тухай хуулийн “Хэргийн ээдрээ төвөгтэй байдлыг харгалзан яллагдагчийг цаашид цагдан хорих.....” гэсэн заалтыг үндэслэн түүнийг дахин нэг сар цагдан хорих шийдвэр гаргасан байна.

Шүүх хуралд прокурор, яллагдагч, түүний өмгөөлөгч нар оролцжээ.

Энэ оны нэгдүгээр сард УБТЗ-ын албан тушаалтан С.Батдөл болон түүний хамаарал бүхий этгээдүүдийн гэрээс ₮7.3 тэрбумыг хураан авч, түүнийг баривчилсан юм.