Секиваке Киришима Б.Лхагвасүрэн тавин хувийн амжилтаа үзүүлэв
Мэргэжлийн сүмо бөхийн тавдугаар сарын башё үргэлжилж байна.
Тэмцээний 11 дэх өдөр ёкозүна цол горилж буй озеки Оносато комүсүби Вакатакакагэг ялснаар унаагүй тэргүүлсэн хэвээр үлдлээ. Харин ёкозүна Хоошёорюү С.Бямбасүрэн ижил даваа унаатай байсан Хакүохог буулган авснаар 9 даваа, 2 унаатай болов.
Секиваке цолтой энэ тэмцээнд зодоглож буй Киришима Б.Лхагвасүрэн маегаширагийн 4 Ичиямамотог хатакикоми мэхээр ялснаар 8 даваа, 3 унаатай болж, тавин хувийн амжилтаа үзүүлсэн юм.
Маегаширагийн 3-т барилдаж буй Тамаваши Б.Мөнх-Оргил өнөөдөр найм дахь унаагаа авснаар ирэх тэмцээнд чансаа уруудах нь тодорхой болжээ.
Тэгвэл маегаширагийн 6 Ошома П.Дэлгэрбаяр Мейсейг ялснаар тавин хувийн амжилтаа үзүүлж, ирэх тэмцээнд чансаа ахих болзлоо хангасан байна.
Дээд зиндаанд барилдаж буй монгол бөхчүүд
- Ёкозүна Хоошёорюү С.Бямбасүрэн - 9:2
- Секиваки Киришима Б.Лхагвасүрэн - 8:3
- Маегаширагийн 3 Тамаваши Б.Мөнх-Оргил - 3:8
- Маегаширагийн 5 Чиёшоома Г.Мөнхсайхан - 3:8
- Маегаширагийн 6 Ошома П.Дэлгэрбаяр - 8:3
- Маегаширагийн 8 Онокацү Б.Чойжилсүрэн - 7:4
- Маегаширагийн 17 Тамашохо Э.Энхманлай - 4:7
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
1 СЭТГЭГДЭЛТЭЙ
|
