Оюутны цагаар хөдөлмөр эрхлэх журмыг өөрчилж, цагийн ажлын хөлсийг зах зээлийн дунджаас өсгөх боломжийг судлах чиглэл өгөгджээ

Гэрэл зургийг MPA агентлагийн онцгой зөвшөөрөлтэйгөөр ашиглав

Засгийн газрын ээлжит хурлын үеэр гарсан боловсролын салбартай холбоотой шийдвэрүүдийг Боловсрол, шинжлэх ухааны сайд Л.Энх-Амгалан танилцуулав. 

Тэрбээр "Хөдөлмөрийн мөлжлөг Монгол Улсад байгаа. Тэр тусмаа ажил хөдөлмөр эрхэлж буй оюутнуудад хүндрэлүүд тулгардаг. 

1. Хөдөлмөрийн гэрээ хийгддэггүй.
2. Хөдөлмөрийн гэрээ хийсэн тохиолдолд аман гэрээ хийгээд, заавал найман цаг ажиллуулах нөхцөл тавьдаг юм байна.

Оюутан өдрийн цагаар найман цаг ажиллах ямар ч боломжгүй учраас өмнө батлагдсан "Оюутны цагаар хөдөлмөр эрхлэх журам"-ыг өөрчилж, Засгийн газраар шийдвэр гаргуулна.

Мөн энэ хүрээнд МҮХАҮТ-тай хэлэлцээрт орж, оюутнуудын ажиллах цагийн хуваарь, оюутнуудын нэг цагийн ажлын хөлсийг зах зээлийн дунджаас өсгөх боломжийг судлах чиглэл өгөгдсөн" гэлээ. 

ВИДЕО: