ДЭМБ-ыг төлөөлж манай улсад суух Суурин төлөөлөгч томилогдон иржээ

ДЭМБ-ын Монгол дахь Суурин төлөөлөгч Сергей Диордицагийн бүрэн эрхийн хугацаа дуусаж, Др.Сокорро Эскаланте томилогдон иржээ.

Тэрбээр Гадаад харилцааны сайдад өчигдөр итгэмжлэх захидлаа гардуулан өгсөн байна.

Гадаад харилцааны сайд Б.Батцэцэг ДЭМБ-ыг төлөөлж манай улсад суух Суурин  төлөөлөгчөөр томилогдсон Др. Сокорро Эскалантед баяр хүргэж, Монгол Улс, ДЭМБ-ын үр ашигтай хамтын ажиллагааг өргөжүүлэх, манай улсын хүн амын эрүүл мэндийг хамгаалахад чиглэсэн бодлого, зорилтуудыг хэрэгжүүлэхэд тус байгууллага үнэтэй хувь нэмэр оруулж ирснийг талархан дурдлаа.

 

Суурин төлөөлөгч Др.Сокорро Эскаланте ДЭМБ, Монгол Улсын хамтын ажиллагааг улам бэхжүүлэх, Монгол Улсын төр, засгийн зүгээс хүн амынхаа эрүүл мэндэд анхаарч, тодорхой санал санаачилгууд дэвшүүлэн ажиллаж байгааг тэмдэглээд энэ хүрээнд хамтран ажиллахаа илэрхийлжээ.