Уншиж байна ...
Зураг
Зураг
ХУУЧИРСАН МЭДЭЭ: 2023/02/06-НД НИЙТЛЭГДСЭН

"IHC" койн гаргаж иргэдээс мөнгө татан төвлөрүүлсэн хэргийг шалгах ажиллагаа үргэлжилж байна

П.Зоригт, IKON.MN
2023 оны 2 сарын 6
iKon.MN
Зураг зураг
Гэрэл зургийг Mpa.mn

Виртуал хөрөнгө буюу койн, токентой холбоотой асуудлаар Цагдаагийн Ерөнхий Газар (ЦЕГ), Санхүүгийн Зохицуулах Хороо (СЗХ)-ноос өнөөдөр хамтарсан хэвлэлийн хурал зохион байгуулав.

Энэ үеэр зах зээлд "IHC" койн гаргах замаар иргэдээс мөнгө татан төвлөрүүлсэн хэргийн шалгалтын явцын талаарх сэтгүүлчийн асуултад Эрүүгийн цагдаагийн албаны эдийн засгийн гэмт хэрэгтэй тэмцэх газрын Мөнгө угаах хэлтсийн дарга Э.Сэргэлэнбаатар хариуллаа.

Тэрбээр "Энэ хэрэгт мөрдөн шалгах ажиллагаа үргэлжилж байгаа. Цагдаагийн ерөнхий газраас прокурорын байгууллагад холбогдох саналуудыг хүргүүлсэн. 

Зах зээлд гаргасан хөрөнгөөсөө гадна дахин хөрөнгө нийлүүлсэн эсэхийг шалгаж байгаа. Үүнтэй холбоотойгоор иргэд койн, токен гаргасан зарим хүнийг шалгаад, заримыг нь шалгахгүй байна гэдэг асуудлыг тавьж байна. Цагдаагийн байгууллагаас бүх хэргийг шалгана. Хууль зөрчиж хөрөнгө татан төвлөрүүлсэн этгээдэд хариуцлага тооцох, мөрдөн шалгах ажиллагаа явуулах асуудал яригдана. 

Мөрдөн шалгах ажиллагааны нарийн процесс, тогтоогдсон нөхцөл байдлын талаар дэлгэрэнгүй хэлэх боломжгүй байна" гэв. 

"IHC" койныг зах зээлд нэвтрүүлсэн О.Мөнхжин, Б.Гантиг, Б.Эрхэмбаяр нарыг хоёрдугаар сарын 1-ний шөнө баривчлан 461 дүгээр хорих ангид саатуулан шалгаж эхэлсэн талаар цагдаагийн байгууллагаас өмнө нь мэдээлсэн.