Уншиж байна ...

ЗӨВЛӨМЖ: Нүхэн жорлонг долоо хоногт 2-3 удаа зориулалтын бодисоор халдваргүйжүүлэх шаардлагатай

Т.Саран, iKon.mn
2022 оны 6 сарын 30
iKon.MN
Зураг зураг
Гэрэл зургийг mpa.mn

Нүхэн жорлон угаадасны нүх, бохирын цооног ашиглагч иргэн, аж ахуйн нэгжид Мэргэжлийн Хяналтын Ерөнхий Газраас дараах зөвлөмжийг хүргүүлж байна. 

  • Долоо хоногт 2-3 удаа зориулалтын бодис, уусмалыг найруулж, халдваргүйжүүлж байх
  • Усны эх үүсвэрийн худгаас 200 метр, ус түгээх цэгээс 20 метрээс багагүй зайд барих
  • Ундны усны эх үүсвэрийн хамгаалалтын бүсэд нүхэн жорлон, угаадасны нүх, бохирын цооног байгаа нөхцөлд усыг унд, ахуйд хэрэглэхгүй байх нь чухал. 

Улаанбаатар хотын долоон дүүргийн хэмжээнд өнгөрсөн оны байдлаар нийт 144,992 нүхэн жорлон тоологджээ. 

Нүхэн жорлон шинээр барихдаа MNS 5924:2015 стандартын дагуу барихыг Нийгмийн Эрүүл Мэндийн Үндэсний Төв (НЭМҮТ)-өөс зөвлөж байна. Стандартын шаардлага хангасан нүхэн жорлон нь,

  • Битүүмжлэлтэй байх ёстой тул битүү хавтангаар хийх
  • Бүхээгийн хаалга гадна, дотор талдаа түгжээтэй байх
  • Шөнийн цагт гэрэлтүүлэгтэй
  • Бүхээгийн хаалганы дээд талд ялаа, шавж орохоос хамгаалсан 400 мм урт, 200 мм өргөн тор бүхий цонхтой
  • Бүхээг дотор ариун цэврийн цаас, өлгүүр, тагтай хогийн сав, цэвэрлэгээний хэрэгсэл байгуулсан байхыг шаарддаг.