"Улсын наадмын төсөв ₮2.3 тэрбум. Төрийн хүндэтгэлийн концерт Төв талбайд болно"

Энэ жилийн баяр наадмаар "Улаанбаатарын үдэш" арга хэмжээ Хүй долоо худагт болно.

Төрийн ёслол хүндэтгэлийн концерт Төв талбайд тоглогдоно. Өмнө нь Соёлын Төв Өргөөнд болдог байсан.

Наадмын нээлт, хаалтын үйл ажиллагаа Төв цэнгэлдэх хүрээлэнд болно. Наадмын хаалтыг ёслол төгөлдөр хийнэ.

Морь, сур, бөх бэлтгэлдээ орсон. Баяр наадмын тухай хуулийг шинэчлэн батлах тухай асуудал УИХ-аар хэлэлцэгдэж буй. Ойрын өдрүүдэд батлагдана. Уяачид, наадамчдын санал бодол зарим зүйл дээр зөрүүтэй байдаг. Үндэсний өв соёл бахархал болсон наадмаа ямар нэг маргаангүйгээр хийнэ. Тиймээс хаа хаанаа анхаарч, хүлээцтэй хандаж, ойлголцож ажиллана гэж найдаж байна. Шинэ хууль батлагдахаар баяр наадмаар бөхийн зохицуулалтын шинэ хувилбарууд орж ирнэ.

Наадмын төсөв 2.3 тэрбум төгрөг. Тохижилт үйлчилгээнд зарцуулагдана. Наадмын төсөв нийслэлийн төсөвт тусгагддаг

Хуушуур идэх гэж Төв цэнгэлдэх рүү явах бус бүх гудамж талбайд үйлчилгээ явуулж, иргэддээ ая тухтай баярлуулна. Баянзүрх дүүрэгт Офицеруудын ордон зэрэг захын хэсгүүдэд ч үйлчилгээ гаргана.

Бүх насныханд зориулсан урлаг соёлын тоглолтуудыг хувийн хэвшлийнхэнтэй хамтарч бэлдэж байгаа.

Наадмын тасалбарыг цахимаар худалдана.