Хүүхэд татахад дээр нь байгаа зүйлс унаж болзошгүй тул ширээний бүтээлэг аль болох хэрэглэхгүй байхыг зөвлөв

Гэрэл зургийг MPA агентлагийн онцгой зөвшөөрөлтэйгөөр ашиглав

2024 оны эхний хагас жилд нийт осол гэмтлийн 3.3 хувь буюу 3,592 нь түлэгдэлтийн улмаас бүртгэгджээ.

Нийт тохиолдлын 11 хувь буюу 12.126 нь 0-4 насны хүүхдийн осол гэмтэл эзэлж байна.

Гэмтэл Согог Судлалын Үндэсний Төв(ГССҮТ)-д сүүлийн гурван жилийн хугацаанд 157,000 хүүхэд осол гэмтэлд өртсөний 53 хувь буюу 83,000 нь гэртээ байхдаа осолд өртсөн байна.

Иймд сурагчдын амралтын энэ үед Боловсролын Ерөнхий Газраас дараах зөвлөмж гаргасныг хүргэе.

• Хүүхдээ тэвэрч байхдаа халуун хоол болон уух зүйлс хэрэглэхгүй байх
• Халуун хоол болон цайг хүүхэд хүрэхээргүй газар болон ширээний ирмэгээс хол зайд тавих
• Зуухны тагийг заавал түгжиж байх
• Хутга, хайч зэрэг хурц иртэй багаж, гэмтсэн цахилгааны утас, хүнд сав суулга болон бусад хүүхдэд гэмтэл учруулж болохуйц зүйлсийг хүүхэд хүрч, авч чадахааргүй газар хадгалах
• Халуун зуух болон индүүнээс хүүхдийг хол байлгах, очиж хүрэхээс сэргийлээрэй
• Ширээний бүтээлгийг аль болох хэрэглэхгүй байх нь зүйтэй. Учир нь хүүхэд түүнээс татахад дээр байгаа зүйлс хүүхдийн дээрээс унаж болзошгүй.

Эцэг эх, асран хамгаалагч, харгалзан дэмжигч та хүүхдэдээ тавих анхаарал, халамж, хараа хяналтаа нэмэгдүүлж, хариуцлагатай байж, болзошгүй эрсдэлээс урьдчилан сэргийлэх арга хэмжээг авах нь хамгаас чухал юм.