ХУУЧИРСАН МЭДЭЭ: 2025/06/17-НД НИЙТЛЭГДСЭН
10 дугаар хорооллын уулзвараас 25 дугаар эмийн сан хүртэлх авто замын засварыг хойшлуулжээ
iKon.MN
Нийслэл хотын Энхтайвны өргөн чөлөөний авто замын засвар, шинэчлэлийн хүрээнд 10 дугаар хорооллоос 25 дугаар эмийн сангийн уулзвар хүртэлх замыг зургаадугаар сарын 16-ны 22:00 цагаас хаана гэж Нийслэлийн Замын Хөгжлийн Газраас/НЗХГ/ мэдээлсэн. Гэвч өнөөдөр өглөөний байдлаар тус замын хөдөлгөөнийг хаагаагүй байв.
Энэ талаар НЗХГ-аас лавлахад "Цаг уурын байгууллагаас мэдээлснээр Улаанбаатар хотод бороо орох тул 10 дугаар хорооллын уулзвараас 25 дугаар эмийн сан хүртэлх замыг хааж, шинэчлэх ажлыг тодорхойгүй хугацаагаар хойшлуулсан" гэлээ.
Засварын ажил дуусаж, өнөөдөр хөдөлгөөнийг нээсэн авто замууд:
- Жанжин клубийн зам буюу Цагдаагийн академийн өргөн чөлөөнөөс урагш Төмөр замын нүхэн гарцын уулзвар хүртэлx 1.6 км урт авто зам
- "ТЭЦ III"-ын уулзвараас "Говь" ХК-ны уулзвар хүртэлх 1 км авто зам
- СХД-ийн 21 дүгээр хороо, Ар гүнтийн давааны 800 метр авто зам
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
