Өнөөдөр өглөө Хайлаастад агаарын чанар маш их бохирдолтой, Нэгдүгээр хороололд 500-г давсан буюу маш аюултай түвшинд байна

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр өглөөний 10:33 цагийн байдлаар Хайлааст орчимд маш их бохирдолтой буюу агаарын чанарын индекс 452-г зааж байна. Харин 1-р хороолол орчимд агаарын чанарын индекс 500-г давсан байна. 

Стандартаараа хамгийн их бохирдол 500-аас их л гэж харагдах ба 500-аас их болсон тохиолдолд тоогоор харагдахгүй. 500-аас дээш болсон бол маш аюултай түвшинд хүрсэн байна гэсэн үг гэдгийг мэргэжилтнүүд сануулаад байгаа юм. 

• Толгойт, МҮОНРТ орчимд их бохирдолтой буюу агаарын чанарын индекс 307-388 байна. 
• Нисэх, Яармаг, Шархад, Дамбадаржаа, Баянхошуу орчимд бохирдолтой буюу агаарын чанарын индекс 237-279 байна. 

Өнгөрсөн долоо хоногт агаар бохирдуулагч хүхэрлэг хий SO2, азотын давхар исэл NO2, PM10 тоосонцор, PM5 тоосонцор бүх өдрүүдэд стандарт хэмжээнээс давсан ба хамгийн их бүртгэгдсэн нь нэгдүгээр сарын 4-ны өдөр байсан талаар Цаг уур, орчны шинжилгээний газрын орчны шинжилгээний хэлтсээс мэдээллээ. 

Иймд иргэдийг эрүүл мэндээ хамгаалж, дархлаагаа дэмжих, зүрх судас, даралт ихсэх өвчтэй хүмүүс эрүүл мэнддээ анхаарахыг зөвлөлөө.