Монкон Констракшн ХХК-ийн төслүүд “Mongolian Property Awards”-ийн дөрвөн номинацид ШИЛДЭГ-ээр шалгарлаа

Барилга, үл хөдлөх хөрөнгийн салбарын дээд шагнал гардуулах “Mongolian Property Awards 2024” тав дахь удаагийн ёслолын арга хэмжээ 12-р сарын 26-ны өдөр зохион байгуулагдаж, салбарын шилдгүүдээ шалгарууллаа. 

 

Энэ удаагийн шагнал гардуулах ёслолд Монкон Констракшны бүтээн байгуулсан Мандала Гарден болон 365 Мандала Тауэр төслүүд амжилттай оролцож, нийт 4 номинацид шилдгээр шалгарч, барилга бүтээцийн шийдэл, чанараараа салбартаа манлайллаа. 

• Мандала Гарден төсөл: 
  • Шилдэг бүтээн байгуулалт 
  • Шилдэг орон сууцны архитектур дизайн 
• 365 Мандала Тауэр төсөл: 
  • Шилдэг орон сууц 
  • Шилдэг өндөр бүтээн байгуулалт 

 

Мандала Гарден цогцолбор хороолол нь жижиг хэмжээний хот төлөвлөлттэй дүйцэхээр хэмжээнд, хүний хэрэгцээт үйлчилгээний төвүүд, сургууль, цэцэрлэг ойр мөн оршин суугчдынхаа ая тухыг хангах Zoo, Water, Forest концепц бүхий гадаад талбайн зохион байгуулалт, хотхондоо автомашингүй хийгээд хүүхдийн аюулгүй байдлыг хангах гүүрэн гарц зэргийг төлөвлөсөн байна. Хотхоны архитектур дизайны хувьд сэнсэн хэлбэрийн өвөрмөц дизайн бүхий дэвшилтэт технологи, эрчим хүчний хэмнэлттэй шийдлүүдийг амжилттай нэвтрүүлсэн гэдгээрээ онцлог, цогц төлөвлөлттэй хотхон юм. 

 

365 Мандала Тауэр нь их хотын үнэ цэнтэй байршилд Үндэсний цэцэрлэгт хүрээлэнгийн баруун хойно байрлаж буй 360 Мандала Тауэр төсөлтэй зэрэгцэн 108м өндөр, 25 давхар бүхий хос цамхгийн нэг юм. 360, 365 Мандала Тауэр нь Испани архитектур, Монгол инженерийн ур ухаан шингэсэн чанар болоод гоо зүйн хослолоор их хотдоо өнгө үзэмж, шинэ өнгө төрхийг бүрдүүлэн сүндэрлэж байна. 

 

Mongolian Property Awards нь Монголын барилга, үл хөдлөх хөрөнгийн салбарын шилдэг бүтээн байгуулагчид болон бүтээн байгуулалтуудыг алдаршуулах зорилготой бөгөөд хараат бус бие даасан шүүгчдийн бүрэлдэхүүнтэйгээр баталсан журам, шалгуур үзүүлэлтүүдийн дагуу номинаци тус бүрийн ялагчдыг тодруулдгаараа онцлогтой арга хэмжээ юм. 

Мандала Гарден хотхоны борлуулалтын алба: 7575-8000
Фэйсбүүк: www.facebook.com/Mandalagardenmn

360, 365 Мандала Тауэр хос цамхгийн борлуулалтын алба: 7533-0000
Фэйсбүүк: www.facebook.com/mandalatowermn