Багахангай-Улаанбаатар чиглэлийн нийтийн тээврийн автобусны цагийн хуваарьт өнөөдрөөс өөрчлөлт орж байна
Багахангай-Улаанбаатар чиглэлд өнгөрсөн дөрөвдүгээр сарын 28-наас нийтийн тээврийн автобус явж эхэлсэн.
Нийтийн тээврийн газарт иргэдээс өглөөний цагийн хуваарийг өөрчилж өгнө үү гэсэн хүсэлтийн дагуу Х:18 “Улаанбаатар /Тэнгэр плаза/-Багахангай эцсийн зогсоол” чиглэлийн цагийн хуваарьт өнөөдрөөс эхлэн өөрчлөлт оруулжээ.
Тодруулбал Багахангай-Улаанбаатар чиглэлийн нийтийн тээврийн автобус өнөөдрөөс эхлэн дараах цагийн хуваариар иргэдэд үйлчлэх юм байна. Өмнө нь Багахангай дүүргээс автобус 09:00 цагт хөдөлдөг байсныг өөрчилж 08:00 болгожээ.
АВТОБУСНЫ ЧИГЛЭЛ
Х:18 Улаанбаатар /Тэнгэр плаза/-Багахангай эцсийн зогсоол
ЗОГСООЛУУД:
- Баянзүрх шалган нэвтрүүлэх товчоо
- Оргил- Налайх
- 86-р үйлдвэр
- Багахангай дүүргийн 2-р хорооны зогсоол
ЦАГИЙН ХУВААРЬ:
Багахангайгаас хөдлөх цаг-08:00, 12:40, 17:20
Улаанбаатарт ирэх цаг-09:50, 14:30, 19:10
Улаанбаатараас хөдлөх цаг-10:20, 15:00, 19:40
Багахангайд ирэх цаг-12:10, 16:50, 21:30.
Том хүн 8,000, хүүхэд 4,000 төгрөг төлж зорчино.
РЕЙСИЙН ТОО: Өдөрт гурван удаа.
Тус чиглэлд БНХАУ-ын “Yutong Bus” компанид үйлдвэрлэсэн ZK6117H загварын автобус ба 45 хүний суудалтай, Евро-5 хөдөлгүүртэй автобус явж байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
