Магнай Трейд ХХК болон Storepay хамтран ажиллах санамж бичигт гарын үсэг зурлаа

Монгол Улсын газрын тосны бүтээгдэхүүний зах зээлийн гол нийлүүлэгч ба хамгийн өргөн сүлжээ бүхий салбар түгээлттэй, газрын тосны импортлогч тэргүүлэх компаниудын нэг Магнай Трейд ХХК болон Финтек & Блокчэйнд суурилсан санхүүгийн хамгийн таатай үйлчилгээ үзүүлэгч Storepay нар хамтран ажиллах санамж бичигт гарын үсэг зурлаа.

Ингэснээр Storepay Аппликейшн ашиглан хэрэглэгчид ямар нэгэн хүү, шимтгэл нэмэлт төлбөргүй хуваан төлөх нөхцөлөөр шатахуун авах боломж бүрдэхийн зэрэгцээ Storepay ашиглан худалдан авалт хийгээд SPC крипто валютаар буцаан олголт цуглуулах зэрэг хамгийн сүүлийн үеийн санхүүгийн шийдлүүдийг ашиглах боломж бүрдэж байна.

Энэ оны 1 сард багтан үйлчилгээнд нэвтрэх Storepay 3.0 хувилбараар Mагнай Трейд ХХК-н шатахуун түгээх станцуудаас Storepay ашиглан шатахуунаа авах боломжтой болж эхлэх юм.