2021/10/27
Америк доллар
МОНГОЛ БАНК:
2,849.11₮
B30
УЛААНБААТАР
14°
|
-4°
B30
УЛААНБААТАР
11°
|
-2°
B30
УЛААНБААТАР
|
-3°
04:00
S31
-3°
05:00
S31
-3°
06:00
S31
-4°
07:00
S31
-5°
08:00
S32
-5°
09:00
S32
-2°
10:00
S32
11:00
S32
12:00
S32
13:00
S32
14:00
S32
11°
15:00
S32
11°

Цахим гүйлтийн ДАШТ "Vitality Running World Cup"-д Монгол Улсын баг хагас шигшээ шатанд өрсөлдөхөөр шалгарлаа

ikon.mn
2021 оны 9 сарын 28
iKon.MN

Дэлхийн 242 улс орон оролцсон цахим гүйлтийн ДАШТ Vitality Running World Cup 9-р сарын 21-26 хооронд зохиогдож Монгол улсын баг эхний шатанд 3 байрт орж шилдэг 16 улсын нэгээр шалгарч хагас шигшээ шатанд өрсөлдөхөөр боллоо.

Энэ жилийн Монгол улсын багийн ахлагчаар Дэлхийн Монголчуудын гүйлтийн суваг MGL Running Channel-ын үүсгэн байгуулагч У.Ганзориг шалгарч, албан ёсны зохион байгуулагчаар Дэлхийн Монголчуудын гүйлтийн суваг MGL Running Channel ажиллаж, улс үндэстнээрээ хүчээ нийлүүлэн оролцохыг уриалан "Team Mongolia Run As One Nation" буюу "Үндэстнээрээ нэг баг болон гүйцгээе!" уриалга дэвшүүлэн оролцож байна. Тус тэмцээнд Монгол улс анх удаа 2020 онд оролцож 18-р байрт шалгарч байжээ.

 

Тэмцээний хоёрдугаар шат буюу хагас шигшээ (16 улс): 9 сарын 28 - 10 сарын 3 хооронд зохиогдох бөгөөд шалгарсан 4 улс сүүлчийн шат үлдэж 10 сарын 5-10 хооронд өрсөлдж дэлхийн аваргыг тодруулах ажээ. Уг тэмцээнд оролцоход ямар нэгэн үнэ төлбөр төлөхгүй бөгөөд 13 болон түүнээс дээш насны бүх хүмүүс оролцож болох ба 3 км зайг дээд тал нь 30 минутад туулсан байх шаардлага тавьдаг. Тиймээс ямар ч гүйгчдийн хувьд боломжтой үзүүлэлт бөгөөд эхлэн гүйгчдэд хүртэл бололцоотой тул та бүхнийг аль болох найз нөхөд гэр бүлийн хамт гүйж эх орныхоо төлөө хүчээ нэгтгэхийг уриалж байна.

Оролцогчдын хувьд Running World Cup апп-д заавал бүртгүүлсэн байх шаардлагатай бөгөөд гүйх үедээ Strava, adidas Running, Health App, Google Fit, FitBit, Garmin, Under Armour, Pacer зэрэг гүйлтийн aпп-ны аль нэгийг хэрэглэж гүйлтээ баталгаажуулна. Хагас шигшээ шатанд гол анхаарах зүйл 1 өдөрт нэг гүйгчийн гүйсэн зөвхөн нэг гүйлтийг тооцож оруулах дүрэмтэй оролцох юм. Учир нь зохион байгуулагчдын зүгээс гүйгчдийг хэт шахаж бэртэл гэмтэл авахаас сэргийлж ийм дүрэм гаргасан байна.

 

Тэмцээнд шалгарсан багийн ахлагчийн гол үүрэг тус тэмцээнийг тухайн улс орондоо сурталчлан таниулах, улсынхаа багт аль болох олон гүйгчдийг уриалан оролцуулах сурталчилгааны ажлыг зохион байгуулах гол үүрэгтэй ажээ.

Монгол улсын багт дэлхийн өнцөг булан бүрээс олон гүйгчид нэгдэж эх орныхоо нэрийг дэлхийд гаргахын төлөө хүчээ нэгтгээд байна. Түүнээс гадна цахим гүйлтийн дэлхийн аварга шалгаруулах энэхүү тэмцээнд оролцсоноор та Vitality Running World Cup зохион байгуулагчдын санаачилсан хүүхдийн төлөөх сайн үйлсэд нэгдэх бөгөөд таны гүйсэн 3 км 1 ширхэг хүүхдийн вакцин болж НҮБ-ын Хүүхдийн Сан-д хандивлагдах болно.

 

 

x