• 2 сарын 1, Бямба
|
Уншиж байна ...
ХУУЧИРСАН МЭДЭЭ: 2021/03/17-НД НИЙТЛЭГДСЭН

ЗУРАГЛАЛ: Хатуу хөл хорио тогтоосон Баянзүрх дүүргийн 26 дугаар хорооны нутаг дэвсгэрт хамаарагдах хэсгүүд

А.Намуун, iKon.mn
2021 оны 3 сарын 17
iKon.MN
Зураг зураг
Эх сурвалж: Тээврийн цагдаагийн алба

Баянзүрх дүүргийн 26 дугаар хорооны нутаг дэвсгэрт коронавируст халдвар голомтлон тархах эрсдэл үүссэн тул өнөөдрөөс эхлэн гуравдугаар сарын 21-ний өдрийн 23:00 цагийн хооронд буюу 5 хоногийн хугацаатай хатуу хөл хорио тогтоолоо.

Энэ хугацаанд тухайн хорооны авто замын хөдөлгөөнийг бүрэн хязгаарласан тухай Тээврийн цагдаагийн албанаас мэдээллээ.

Иймд иргэд та бүхэн бусад авто замыг сонгож хөдөлгөөнд оролцохыг анхааруулж байна. 

Хязгаарлалтын дэглэм тогтоосон үед тухайн хорооны 18-аас дээш насны иргэдийг PCR шинжилгээнд хамруулж, зорилтот бүлгийн болон 50-65 насны иргэдийг вакцинжуулж, халдваргүйжүүлэлт ариутгал хийх ажлыг үе шаттайгаар хийхээр төлөвлөжээ.

Хөл хорионы хугацаа дуусаж, цагдаагийн хамгаалалт буусан үед хэвийн горимд шилжинэ.

Хатуу хөл хорионы үед баримтлах дүрэм:

  • Хүнсний дэлгүүр, эмийн сангаар үйлчлүүлэхдээ халдвар хамгааллын дэглэм чанд сахиж, хүн хоорондын зайг барих
  • Эмнэлгийн тусламж үйлчилгээ шаардлагатай тохиолдолд өрхийн эмнэлэгт хандаж холбогдох бичиг баримт авч хязгаарлалтын дэглэм тогтсон бүсээс гарах бүртгэл хийлгэх
  • Онцын шаардлагагүй бол гэрээсээ гарахгүй байх
  • Хатуу хөл хорио тогтоосон тав хоногт архи, согтууруулах ундааны төрлийн зүйлийг худалдахгүй, хэрэглэхгүй байх
  • Мэргэжлийн байгууллагын алба хаагчдын тавьсан шаардлагыг иргэний үүргээ ухамсарлан биелүүлэх.