"COVID-19-ийн шинжилгээнд сайн дураараа хамрагдах иргэд зөвхөн Даваа-Баасан гарагт цахимаар цаг авах боломжтой"
Нийслэлийн хэмжээнд коронавирус илрүүлэх PCR шинжилгээнд хамрагдах хүсэлтэй иргэдэд eruul.gerege.mn цахим хуудсаар дамжуулан цаг олгож буй.
Гэвч "Амралтын өдрүүдэд шинжилгээний цэгүүд ажиллахгүй тул НЭМГ-аас тодруулна уу" гэх бичиг гарч ирж байна.
Энэ талаар НЭМГ-ын Хэвлэл мэдээлэл, олон нийттэй харилцах албаны ажилтнаас тодрууллаа.
Тэрбээр хэлэхдээ "Амралтын өдрүүдэд эрсдэлт бүлгийн буюу уул уурхай, эрүүл мэнд, олон ажилтантай үйлдвэр, үйлчилгээний байгууллагуудад төлөвлөгөөт, өргөтгөсөн шинжилгээ хийнэ. Тиймээс сайн дураар шинжилгээнд хамрагдах иргэдэд Бямба, Ням гарагт цаг олгохгүй байгаа юм.
Өөрөөр хэлбэл, коронавирус илрүүлэх шинжилгээнд сайн дураараа хамрагдах иргэд зөвхөн Даваа-Баасан гарагуудад шинжилгээ өгөх цаг олгож байна.
Иймд иргэд Даваа-Баасан гарагийн хооронд eruul.gerege.mn цахим хуудсаар дамжуулан коронавирусийн шинжилгээ өгөх цаг авна уу" гэсэн тайлбар өглөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
11 СЭТГЭГДЭЛТЭЙ
|
