Христийн мэндэлсний баяр гэж юу вэ?

Дэлхий нийтээрээ нэг цаг тоололтой болсон үе бол цаг тооллыг "Нийтийн тоолол" эсвэл "Манай эриний" хэмээн нэрлэж, тооцож эхэлсэн үе юм. Энэ нь Есүс Христийн төрсөн 1 оноос үүдэлтэй бөгөөд хүн төрөлхтөн энэ үеэс он цагаа тооцоолсоор нэгэнтээ 2020 жил  улиран өнгөрчээ.

Христийн мэндэлсний баяр буюу Зул сарын баяр ч гэж нэрлэдэг энэхүү дэлхий дахины баярыг хүмүүс Есүс Христийн энэ дэлхийд мэндэлсэн өдрийг дурсан санаж, гэр бүл, ойр дотнын хүмүүстэйгээ хамт тэмдэглэдэг. Уг баярыг Христийн шашинтай өрнө дахины орнууд болон англи хэлтэй улс орнуудын ард иргэд өргөн дэлгэр тэмдэглэдэг бол өөр шашинтай төдийгүй шашин шүтлэггүй хүмүүс хүртэл олон нийтийн баяр гэдэг утгаар нь тэмдэглэн өнгөрүүлдэг.

Христийн төрөлтийг харуулсан Христ Хүү видеог үзнэ үү. 

Бурханы Хүү Есүс тэртээ 2020 жилийн өмнө мэндэлснийг болон Түүний хүн төрөлхтөнд заасан сургаал, гүйцэлдүүлсэн үүрэг зорилго, гаргасан золиосыг дурсан тэмдэглэх нь энэ баярын гол утга учир билээ.  Ариун Библид цэдэглэсэнчлэн, бусдыг хайрлаж, тусалж дэмжин, үйлчлэл үзүүлж амьдарсан Түүний үлгэр жишээгээр эдүгээ нэг нэгнээ хайрлах, бие биедээ анхаарал халамж тавих, туслан дэмжих, нэг нэгнийхээрээ зочлох, харилцан бэлэг солилцох зэрэг сайн сайхан үйлс, үйл ажиллагаанд бие биенээ уриалан дэмждэг уламжлал нь энэхүү баярын гол мөн чанар юм. Христийн шашин шүтдэг мөн эс шүтдэг хүмүүс уг баярыг тэмдэглэхдээ Христийн мэндэлсний баярын уур амьсгал, ёс заншлын нэг хэсэг болгож, баярын утга агуулгыг бэлгэдсэн мөнх ногоон  мод, орой дээрх од, бэлэг сэлт, улаан, ногоон чимэглэл, таяган чихэр гэх мэтийг баярын чимэглэл болгон ямар нэг байдлаар ашигладаг уламжлалтай.

 

Христийн мэндэлсний баярын талаар илүү ихийг мэдэхийг хүсвэл доорх холбоосоор зочлоорой.
Facebook хуудас: bit.ly/3kvToH0
Вэб хуудас: bit.ly/393CIUW
YouTube: bit.ly/32PKIVT

Эх сурвалж: Есүс Христийн Хожмын Үеийн Гэгээнтнүүдийн Сүм