"ААН-ийн орлогын албан татварын 1%-аар нийслэлийн дэд бүтцийн асуудлуудыг шийдвэрлэх эх үүсвэрийг шийдэх журам батлагдсан"
Засгийн газрын ээлжит хуралдаан өнөөдөр болж Засгийн газраас 2025 оныг "Нийслэлийн дэд бүтцийн хөгжлийг дэмжих жил" болгон зарласан тогтоолыг баталжээ.
1976 оны ерөнхий төлөвлөгөөгөөр тухайн үеийн Улаанбаатар хотод 600,000 орчим хүн ам амьдрах дэд бүтэц, авто замын сүлжээнд 84,000 авто машин зорчих төлөвлөлттэй байжээ. Улаанбаатар хотын 2040 он хүртэл ерөнхий төлөвлөгөөг Засгийн газарт өргөн мэдүүлэх бэлтгэл ажил хангагдаад байгаа юм байна.
Уг төлөвлөгөөний хүрээнд:
- Дэд бүтцийн дулаан хангамж, ариутгах татуурга, ус хангамжийн найдвартай эх үүсвэрүүдийг бүрдүүлэх
- Авто замын хоёр түвшний бүтээн байгуулалтуудыг барьж байгуулж агаарын бохирдол, авто замын түгжрэлийг бууруулах үндсэн зорилт дэвшүүлээд байгаа аж.
Мөн ААН-ийн орлогын албан татварын 1%-ийг нийгмийн хариуцлагын хүрээнд захиран зарцуулах шийдвэр гарсантай холбогдуулан 20 минутын хот Үндэсний хорооны дарга Р.Эрдэнэбүрэн, Барилга, хот байгуулалтын сайд Ж.Батсуурь, Зам, тээврийн хөгжлийн сайд Б.Дэлгэрсайхан, Эрчим хүчний сайд Б.Чойжилсүрэн, Байгаль орчин, уур амьсгалын өөрчлөлтийн сайд С.Одонтуяа нарын хамтарсан тушаалаар ААН-ийн орлогын албан татварын 1%-ийг нийслэлийн дэд бүтцийг дэмжихэд зориулах татварын хөнгөлөлтийн шалгуур үзүүлэлтүүдийг баталсан журмыг баталсан байна.
Уг журмын дагуу ААН-ийн орлогын албан татварын нэг хувиар нийслэлийн дэд бүтцийн хөгжлийн асуудлуудыг шийдвэрлэх эх үүсвэрийг шийдэж өгсөн аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
9 СЭТГЭГДЭЛТЭЙ
|
