2020/10/26
Америк доллар
МОНГОЛ БАНК:
2,852.33₮
B30
УЛААНБААТАР
|
-7°
B30
УЛААНБААТАР
|
-10°
B30
УЛААНБААТАР
|
-8°
23:00
S31
-7°
00:00
S31
-7°
01:00
S31
-8°
02:00
S31
-8°
03:00
S31
-8°
04:00
S31
-8°
05:00
S31
-8°
06:00
S31
-9°
07:00
S31
-9°
08:00
S32
-9°
09:00
S32
-7°
10:00
S32
-4°

"Монгол Улсад үйлдэгдэж буй нийт зөрчлийн 95%-ийг Цагдаагийн байгууллага дангаараа шалган шийдвэрлэж байна"

Г.Өлзийхутаг, iKon.mn
2020 оны 9 сарын 29
iKon.MN
Зураг
Гэрэл зургийг Mpa.mn

Монгол Улсад үйлдэгдэж буй нийт зөрчлийн 95 хувийг Цагдаагийн байгууллага дангаараа шалган шийдвэрлэдэг гэдгийг ЦЕГ-ын Зөрчил шалгах, мэргэжил арга зүйн хэлтсийн дарга Ч.Чинбат өнөөдрийн хэлэлцүүлгийн үеэр хэлэв.

"Гэр бүлийн хүчирхийлэл үйлдэх зөрчил гэж томьёолсон зөрчил нь тийм ч өндөр хувийг эзэлдэггүй"

Тэрбээр “Монгол Улсад үйлдэгдэж байгаа нийт зөрчлийн 95 хувь орчмыг Цагдаагийн байгууллага дангаараа шалган шийдвэрлэдэг.

Зөрчлийн тухай хууль нь нийгмийн дэг журам, олон нийтийн аюулгүй байдлын суурь бүтцийг бүрдүүлдэг учраас түүнд цагдаагийн алба хаагчид оролцохоос өөр аргагүй. Гэхдээ бид үүнийг ачаалал гэж харахаас илүү хуулиар хүлээсэн үүргээ хэрэгжүүлж буй ажиллагаа гэж хардаг” гэлээ.

Мөн “Цагдаагийн байгууллага нийтийн хэв журам, ёс суртахуун, олон нийтийн аюулгүй байдалтай холбоотой зөрчлүүдийг шалган шийдвэрлэдэг.

Сүүлийн үед яригдах болсон гэр бүлийн хүчирхийлэл үйлдэх зөрчил гэж томьёолсон зөрчил нь тийм ч өндөр хувийг эзэлдэггүй. Ер нь ахуйн хүрээнд үйлдэгдэж байгаа зөрчлийн асуудал. Гэхдээ шалгалтын явцад гэр бүлийн хүчирхийллийн бус Эрүүгийн хуульд заасан гэмт хэргийн шинжтэй болох тохиолдол бий” гэдгийг хэллээ.

"Зарим зөрчлийг мэргэжлийн байгууллага нь хянаж хариуцлага тооцох ёстой"

 
Гэрэл зургийг Mpa.mn

Хэлэлцүүлгийн нээлтийн үеэр Хууль зүй, дотоод хэргийн сайд Х.Нямбаатар зарим зөрчилд мэргэжлийн байгууллага нь хянаж шалгаж, хариуцлага тооцох ёстойг онцолж байв.

Тэрбээр энэ талаар хэлэхдээ "Энэ бол цэвэр төрийн байгууллагын орон тоотой холбоотой. Тухайлбал, Харилцаа холбооны зохицуулах газар, ШӨХТГ зэрэг байгууллага улс оронд даяар тарсан бүтэц байдаггүй.

Харин зөрчил бол зөвхөн Улаанбаатарт төвлөрч үйлдэгдэхгүй.

Энэ тохиолдолд хүндрэл үүсдэг учраас тухайн байгууллагуудад харьяалагдах зөрчлүүд бүгд цагдаагийн байгуулагад шалгагдаж байна. Энэ байдлыг ч эргэн харж, шинэчиллээрээ засахаар ярьж буй.

Хэрхэн засах вэ гэвэл, зарим төрлийн зөрчлийн хэрэг бүртгэлийг хөдөө орон нутагт цагдаагийн байгууллага хийгээд материалыг нь Улаабаатарт байрлах тухайн мэргэжлийн улсын байцаагч нар руу шилжүүлэх зохицуулалт яригдаж байгаа” гэв.

x