"Баян-Өлгийд бүртгэгдсэн тарваган тахлын сэжигтэй тохиолдлын нэгдүгээр хавьтлын 34 хүнийг бүрэн хяналтад авсан"
Эрүүл мэндийн хэвлэлийн хурлын дараа ЭМЯ-ны хэлтсийн дарга Д.Нарангэрэл "Баян-Өлгий аймагт бүртгэгдсэн тарваган тахлын сэжигтэй тохиолдлын биеийн байдлын талаарх сэтгүүлчийн асуултад хариулав.
ВИДЕО:
Тэрбээр хэлэхдээ "Тухайн хүүхдийн биеийн байдал харьцангуй сайжирсан. Одоогоор халуун нь бууж, суганы булчирхайн эмзэглэл нь багассан гэсэн мэдээлэл байна.
Мөн бид сэжигтэй тохиолдлын нэгдүгээр хавьтлын 34 хүнийг бүрэн хяналтад авсан. Тухайн хүүхдээс авсан сорьц өнөө орой 22:00 цагийн онгоцоор ирж, ЗӨСҮТ-д баталгаажуулах шинжилгээ хийгдэнэ.
Манай улсад хоёр дахь удаагаа тарваган тахал гарч байна. Мөн БНХАУ-ын ӨМӨЗО-нд ч тарваган тахлын тохиолдол бүртгэгдсэн. Үүнтэй холбоотойгоор ОХУ тарвага агнахыг хориглосон арга хэмжээг өчигдрөөс шуурхай авч эхэлжээ.
Хөрш зэргэлдээ улс ингэж анхаарал хандуулж байхад манай иргэд тарвага хууль бусаар агнаж идэхгүй байж, зөвлөмжөө дагахыг анхааруулж байна" гэсэн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
4 СЭТГЭГДЭЛТЭЙ
|
