Гэртээ харихаар явж байсан эмэгтэйг айлган сүрдүүлж, гар утсыг нь дээрэмдсэн хэргийг СЭРЭМЖЛҮҮЛЭВ
Цагдаагийн байгууллагад энэ оны эхний найман сарын байдлаар дээрэмдэх төрлийн 457 удаагийн гэмт хэрэг бүртгэгдсэн байна.
Тухайлбал “манай эхнэр гар утсаа дээрэмдүүлсэн байна” гэх дуудлага мэдээлэл цагдаагийн байгууллагад оройн 20:00 цагт бүртгэгдсэний дагуу шалгажээ.
Шалгалтаар 34 настай эмэгтэй А-г гэртээ харихаар явж байхад нь архи согтууруулах ундааны зүйл хэрэглэсэн 35 орчим насны эрэгтэй айлган сүрдүүлж, биед нь халдан гар утсыг нь дээрэмдэж зугтаасан байна.
Улмаар сэжигтэй этгээд М-ийг Сонгинохайрхан дүүргийн цагдаагийн газрын гуравдугаар хэлтсийн бүрэлдэхүүний алба хаагчид эрэн сурвалжилж, олж тогтоон шалгалтын ажиллагааг үргэлжлүүлж байгааг мэдээллээ. Иймд шөнө оройн цагаар болгоомжтой явахыг сэрэмжлүүлж байна.
Эрүүгийн хуулийн 17.2 дугаар зүйл. Дээрэмдэх
2.Бусдын эд хөрөнгийг хүч хэрэглэж, хүч хэрэглэхээр заналхийлж авахаар довтолсон бол 2-8 жил хүртэл хугацаагаар хорих ял шийтгэнэ.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
