Хөвсгөл аймгийн Галт суманд ₮15.7 тэрбумын өртгөөр баригдсан 640 хүүхдийн суудалтай сургууль ашиглалтад орлоо
Хөвсгөл аймгийн Галт сумын ерөнхий боловсролын сургуулийн 640 хүүхдийн хүчин чадалтай хичээлийн шинэ байр ашиглалтад орж, нээлтээ хийжээ.
Улсын төсвийн 15.7 тэрбум төгрөгийн хөрөнгө оруулалтаар хэрэгжсэн энэхүү бүтээн байгуулалт нь сургалтын орчны чанар, хүртээмжийг сайжруулж, хүүхэд бүр аюулгүй, эрүүл, тав тухтай орчинд суралцах нөхцөлийг бүрдүүлж байна гэж Боловсролын Яамнаас мэдээлэв.
Мөн цаашид Галт сумын сургуулийг бүсийн төрөлжсөн ахлах сургуулийн хэв загвараар хөгжүүлэх боломж бүрдэж байгаа нь орон нутгийн боловсролын чанар, хүртээмжийг шинэ шатанд гаргах чухал алхам болно гэлээ.
Шинэ сургууль нь Галт нутгийн хүүхэд, залуусын сурч хөгжих боломжийг өргөжүүлж, ирээдүйн мэдлэг чадвартай, бүтээлч иргэдийг төлөвшүүлэх боловсролын орчныг бүрдүүлэхэд бодит хувь нэмэр оруулах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
