АКСЕСС тэтгэлэгт хөтөлбөр зарлагдлаа

Монгол улс дахь АНУ-ын Элчин Сайдын Яамнаас Од Ур Чадвар ТББ-тай хамтран 2020-2021 онд Улаанбаатар хотод хэрэгжүүлэх Англи хэлний Аксесс тэтгэлэгт хөтөлбөрт хотын төвөөс алслагдсан ЕБС-ийн 8, 9-р ангид сурдаг сурлага сайтай, англи хэлний анхан шатны мэдлэгтэй, орлого багатай өрхийн, шинийг эрэлхийлж бүтээлч арга барилд суралцах хүсэлтэй сурагчдыг тэтгэлэгээр суралцахыг урьж байна.

Хөтөлбөрийн зорилго: Хотын төвөөс алслагдсан ЕБС-ийн сурлага сайтай, сурах өндөр эрмэлзэлтэй сурагчдыг Англи хэлний тэтгэлэгт хөтөлбөрт элсүүлэн суралцуулж, манлайлал болон багаар ажиллах чадварыг хөгжүүлэн, АНУ-ын түүх, АНУ-ын их дээд сургуулиудад суралцах боломжуудыг танилцуулж ирээдүйн өндөр мэдлэг боловсрол, ур чадвартай удирдагчдыг төрүүлэн бий болгоход оршино.

Хөтөлбөрт оролцогчид УБ хотод Англи хэлний сургалтад долоо хоногт 2-3 удаа, нийт 360 цаг хамрагдах бөгөөд тэтгэлэгт англи хэлний үнэ төлбөргүй сургалт, ном сурах бичиг, сургалтад ирэх буцах унааны зардал болон нэмэлт үйл ажиллагааны зардал багтана.

Өргөдөл хүлээн авах хугацаа: 2020 оны 5-р сарын 12-ны 17:00 цагаас өмнө

Тавигдах шаардлага:

- 2019-20 оны хичээлийн жилд ЕБС-ийн 8, 9-р ангид сурдаг байх

- 2020 оны 5-р сарын 12-ны байдлаар 13 нас хүрсэн байх

- Сурлага сайтай, англи хэлний зохих мэдлэгтэй байх

- Олон нийтийн ажилд идэвхтэй оролцдог, өөрийгөө хөгжүүлэх чин хүсэл эрмэлзэлтэй байх

- Хөтөлбөрт 2020 – 2021 онд тасралтгүй хамрагдах боломжтой байх

Бүрдүүлэх материал:

1. Өргөдлийн маягтыг https://www.facebook.com/odurchadvar.access/ facebook page руу хүсэлт эсвэл odur.access@gmail.com хаягт имэйл ирүүлэн авч бөглөсөн байна

2. Өмнөх /2018-19/ жилийн голч дүн болон 2019-2020 оны хичээлийн жилийн эхний хагасын голч дүнгийн тодорхойлолт, хуулбарууд

3. Төрсний гэрчилгээний хуулбар

4. Цээж зураг – 1%

5. Ангийн багш болон англи хэлний багшийн тодорхойлох захидал

6. Өрхийн орлого нотлох баримтууд.

7. “Яагаад би Аксесс хөтөлбөрт хамрагдах ёстой вэ” сэдвээр 500 үгтэй эсээ бичнэ.

Хөтөлбөрт дараах улсын ЕБС-ийн сурагчид оролцох боломжтой:

• Баянгол дүүргийн 19, 28, 113, 47, 77, 96, Сэтгэмж ЦС;

• Баянзүрх дүүргийн 14, 33, 44, 53, 69, 79, 85, 87, 88, 92, 102, 142, Амгалан ЦС, Баянзүрх дунд сургууль;

• Налайх дүүргийн Голомт, Чандмань, Эрдмийн оргил дунд сургууль;

• Сонгино-Хайрхан дүүргийн 9, 12, 42, 62, 65, 67, 76, 104, 105, 106, 107, 121, 122,123, 124, 143, Ирээдүй ЦС;

• Сүхбаатар дүүргийн 16, 35, 58, 71 дүгээр дунд сургууль;

• Хан-Уул дүүргийн Буянт Ухаа ЦС, 10, 26, 32, 34, 41, 60, 114, 115, 118 дугаар дунд сургууль;

• Чингэлтэй дүүргийн 17, 37, 39, 49, 57, 61, 72, 117-р дунд сургууль тус тус орно.

Шалгаруулалт дараах гурван үе шаттай явагдана.

1. Өргөдлийн маягт болон бусад бичиг баримтын шалгаруулалт

2. Англи хэлний тест

3. Ярилцлага

COVID- 19 өвчин гарч хорио цээрийн дэглэм тогтоосон тул сурагчид өргөдлийн маягтыг онлайнаар татаж авч бөглөөд бусад бичиг баримтын хамт ЗӨВХӨН odur.access@gmail.com имэйл хаягаар бидэнд ИЛГЭЭНЭ гэдгийг анхаарна уу. Дэлгэрэнгүй мэдээллийг ЭНД ДАРЖ сонирхох боломжтой.