УИХ-ын дарга Г.Занданшатар холбогдох албаны хүмүүсийн хамтаар цаг үеийн асуудлаар мэдээлэл хийж байна. 

УИХ-ын дарга Г.Занданшатар: Цар тахлын үед санхүү, эдийн засгийн тогтвортой байдлыг хангах, эрсдлээс урьдчилан сэргийлэх, банкы салбарын реформ хийх чиглэлээр УИХ-ын ажиллаж байгаа. Үүнтэй холбоотой гаргаж байгаа шийдвэрүүдийн талаар мэдээлэл өгч байна. 

Энэ долоо хоногт УИХ хаврын чуулганы нээлтээ хийж, тусгай дэгээр хуралдан эдийн засгийг идэвхжүүлэх багц хуулийг баталж, өнөөдөр албажуулж байна. 

Засгийн газраас өргөн долоон багц арга хэмжээг зарим өөрчлөлт оруулан эцэслэн баталсан. 

Цар тахал гарснаас хойш УИХ-аас 2-3 чиглэлд ажлын хэсэг байгуулан ажиллаж байна. 

Цар тахлын үед УИХ онцгой горимоор ажиллаж байна. Цахим хуралдааны орчин бүрдүүлэх, онцгой нөхцөлд хялбаршуулсан журмаар шуурхай хуралдах дэгийг баталлаа. 

Хаврын чуулганаар хэлэлцэх УИХ, Засгийн газрын тухай хуулиуд бэлэн болчихсон байгаа. 

Халдварт өвчний улмаас дэлхий нийтээр хямрал нүүрэлж байна. Бид саран дээр амьдарч, сансарт зорчоогүй, дэлхий дээр байгаа учраас дэлхий даяар эдийн засгийн уналтад өртөж байна. Ийм үед аливаа үнэ цэнийг тухайлбал ноолуурын үнийг барих асуудал урьдчилан хэлэх боломжгүйгээр өдөр өдрөөр өөрчлөгдөж байна. Франц, Италийн зэрэг ноолуурын гол үйлдвэрлэгч, хэрэгжлэгч улсуудын байдал ямар хүнд байгааг харж байна. 

Эдийн засгийг идэвхжүүлэх багц арга хэмжээний тухай тогтоолын төслийн хавсралтад доор арга хэмжээнүүдийг авахаар тооцоо судалгаа хийж байна.  

Түлш, шатахууны үнэ хямд байгаа энэ үед үнэ тогтворжуулан, урьдчилсан санхүүжилт хийж ОХУ-ын нефьт импортлогч нартай яриа хэлэлцээр нааштай хийсний үр дүнд нефьтийн бүтээгдэхүүн хямдаар импортлох, хадгалах нөхцлөөр гэрээ хийгдэж байна. Мөн алт хөтөлбөрийн хүрээнд ОХУ-ын банктай гэрээ байгуулах ажил нааштайгаар судлагдаад явж байна. 

Хоёрдугаарт, шатахууны үнийг тогтвортой байлгах бодлогыг боловсруулж, хэрэгжүүлэх чиглэлд ажиллаж байна. Дөрөвдүгээр сарын 11-нээс шатахууны үнийг 300 төгрөгөөр хямдруулж байгаа. Цаашид 400 төгрөгөөр хямдруулж, нөөц бүрдүүлэх, тогтвортой байдлыг хангах цогц бодлогыг хэрэгжүүлэхийг даалгаж байгаа. Ингэснээр манай улсын эдийн засагт 600 тэрбум төгрөгийг хэмнэлт бий болгоно гэж тооцоолж байгаа. 

Гуравдугаарт, банкны өөрийн эх үүсвэрээр олгосон 500 хүртэл сая төгрөгийн үндсэн төлбөрийн үлдэгдэлтэй зээлийн хүүд гурван сарын хугацаанд тодорхой хөнгөлөлт үзүүлэхээр шийдэл гаргаж УИХ, Монголбанк чиглэл болгож байна. 

Зээлийн хүү, хадгаламжийн эх үүсвэрийн зардлыг бууруулах чиглэлээр харилцах дансанд хүү тооцохгүй байх чиглэл гарсан.

Энэ бүхнээс хамгийн чухал нь банкны салбарын бүтцийн өөрчлөлтийг боловсруулж дуусгаад ирэх долоо хоногоос хэлэлцүүлж эхэлнэ. Энэ бол эрүүл, үр ашигтай, найдвартай, ил тод, олон нийтийн хяналттай, өрсөлдөх чадвартай, цахимжсан банкны тогтолцоог бий болгох зорилготой банкны салбарын шинэтгэлийн хөтөлбөр юм.

Жижиг, удунд үйлдвэрлэл, үйлчилгээ эрхлэгчдийн бизнесийг дэмжих зорилгоор нэг зээлдэгчид гаргах батлан даалтын дээд хязгаар 500 сая төгрөг байсныг 300 сая төгрөг болгон бууруулж байна. Бидний тооцоогоор 1.2 их наяд төгрөгийн зээлд Зээлийн батлан даалтын сан баталгаа гаргах бололцоотой болох юм. 

Гадаад валютын нөөцийг нэмэгдүүлэх хүрээнд Алт хөтөлбөрийг хэрэгжүүлнэ. Дэлхий даяар цорын ганц өсөлттэй байгаа бүтээгдэхүүн бол алт. Алт-2 хөтөлбөрийг хэрэгжүүлж, санхүүжилтийг нь дэмжсэнээр төгрөгийн тогтвортой байдлыг хангах гол хүчин зүйл болно гэж үзэж байгаа. 

Алт олборлогч ААН-үүд хөнгөлөлттэй санхүүжилт олгох, түүнд шаардагдах санхүүжилтийн эх үүсвэрийг зээлийн болон бусад хэлцлээр гадаад, дотоод зах зээлээс бүрдүүлэх эрх зүйн зохицуулалтыг Төв банкны хуульд оруулах хуулийн төслийг боловсруулахаар шийдсэн.