Сэргээш илэрсэн гэж зарлагдсан бөх нутгийнхаа "ХААН ШОНХОР" болжээ

Б.Ану

2019 оны 12 сарын 9

iKon.MN

Сонгуулийн өмнөх жил учир нутаг нутгийн шинэ жилүүд сүр дуулиантай эхэлж байна.

Тухайлбал, энэ сарын 7-нд Хэнтий аймгийн оны шилдгүүдийг тодруулах " ХААН ШОНХОР-2019" тэргүүн ёслол болжээ. Уг ёслолын үеэр энэ жилийн улсын баяр наадмын түрүү бөх Э.Оюунболд "Оны шилдэг амжилт" номинацийн эзэн болж "Хаан шонхор" гэх шагналыг хүртжээ.

Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмаар барилдаж тав давж, шөвгөрсөн 16 бөхөөс сэргээшйин шинжилгээ авч, БНСУ-ын лабораторид илгээсэн. Уг лабораториос энэ оны наймдугаар сарын 05-нд ирүүлсэн хариугаар шинжилгээнд хамрагдсан 16 бөхөөс нэр бүхий хоёр бөхөөс авсан дээжид сэргээшийн төрлийн хориотой бодис илэрсэн байдаг.

Хоёр бөхөд шинжилгээний хариуг танилцуулж, гарын үсэг зуруулсан. Нэг бөх Б сорьцоо шинжлүүлэх хүсэлтээ журамд заасан хугацаанд гаргасан тул Монголын допингийн эсрэг үндэсний төв хүлээн авч, БНСУ-д илгээгээд бол нөгөө бөх журамд заасан хугацаанд шинжлүүүлэх хүсэлт гаргаагүй бөгөөд Э.Оюунболдоос авсан дээжид Дэлхийн допингийн эсрэг агентлагаас гаргасан “Хориглосон жагсаалт 2019”-д орсон S1.1A бүлгийн Станазол, S4 бүлгийн мелдониум, S5 бүлгийн гидрохлортиазид, хлориазид хэмээх дөрвөн төрлийн бодис илэрснийг Үндэсний бөхийн салбар хороо мэдэгдэж байгаа талаар Үндэсний их баяр наадмыг зохион байгуулах хороо мэдээлж байсан билээ.

Баяр наадмыг зохион байгуулах хорооноос Э.Оюунболд, Д.Цэрэнтогтох нарын барилдаанд барилдаж давсан даваа тус бүрийг хүчингүйд тооцох, барилдах эрхийг хоёр жилээр хасах шийдвэр гаргасан тогтоолоо Ерөнхийлөгчид хүргүүлсэн. Одоогоор Э.Оюунболдын цолыг хураах эсэх асуудлыг Ерөнхийлөгчийн Тамгын газар шийдээгүй байна.

Э.Оюунболдын хувьд "Би допинг хэрэглээгүй. Миний шээсийг сольсон. Энэ хэргийг хууль хяналтын байгууллагаар шалгуулна. Дахиад гуравдагч оронд шинжилгээ өгмөөр байна" гэх байр сууриа илэрхийлж, Нийслэл дэх Захиргааны хэргийн анхан шатны шүүхэд хандаад байгаагаа мэдэгдсэн.

Хэрэг явдал ийм түвшинд байхад Хэнтий амйгийнхан Э.Оюунболдыг нутгийн шилдгээрээ өргөмжилж байгаад олон нийт шүүмжлэлтэй байна. Дээрээс нь Засгийн газар, УИХ-ын төлөөлөл нь ийм шагнал гардуулаад зогсож буй нь дахиад ёс зүйн хувьд шүүмжлэлтэй хандахад хүргэж байна.

Доромжлол төгөлдөршинө гэж энэ бөлгөө pic.twitter.com/duaR0XfFmF
— ГанбаатарОТГОНЖАРГАЛ (@otgonjargal) December 7, 2019

Хэнтий аймгийн хаан шонхор дуулиантай эхэллээ. Хэл амтай аваргаа хэцүү дизиантай шонхороор шагнаж. Одоо бусад аймгийх үргэлжилж элэг авнаа. Жич Төв аймгийх Алтан шанага нэртэй pic.twitter.com/X49xhpm8Yq
— Билгүүн (@Gumpaa) December 8, 2019

Тэгэхдээ Оюунболд жигшмээр биш миар өрөвдмөөр харагдаж бн шдээ. Хүнээр ингэж тоглож болохгүй шдээ, тийм биздээ?
— Цахилж яваа гөрөөс (@oyungerel_dr) December 8, 2019

Хэнтийн оны шилдэг амжилтын эзнээр Оюунболд тодорчээ. Нүдээ олсон шагнал гэж бодож байна. Дөрвийн дөрвөн төрлийн допинг хэрэглэчихээд үхээгүй гэдэг чинь яах аргагүй оны дээд амжилт юм гэнээ??? pic.twitter.com/pLcCkK76Bv
— Boroo Sergelen (@BorooSergelen) December 8, 2019

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!