Олон нийтийн сүлжээнд тараад байгаа хүүгийн зураг У.Хүрэлсүхийн багын зураг мөн үү?

Өнөөдөр өглөө олон нийтийн сүлжээнд Ерөнхий сайд У.Хүрэлсүхийн багын зураг гэсэн тайлбартай постыг Засгийн газрын Хэвлэл мэдээлэл, олон нийттэй харилцах хэлтсийн дарга нийтэлсэн нь олны анхаарлыг татсан.

 

Гэвч энэ зураг нь Хөвсгөл аймгийн Эрдэнэбулган суманд амьдардаг хүүгийн зураг болохыг Засгийн газрын Хэвлэл мэдээлэл, олон нийттэй харилцах хэлтсийн дарга хэллээ. 

Тэрбээр "Хүмүүс энэ зургийг сошиалд явуулаад байсан. Мушгиад байхаар нь наргиа эможитойгоор бичсэн. Гэхдээ их адилхан" хэмээн тайлбарлав.

Уг зургийг авсан гэрэл зураг сонирхогч Л.Батаатай холбогдож тодруулахад "Энэ зургийг 2018 онд Хөвсгөл аймгийн Эрдэнэбулган суманд явж байхдаа авсан. Нэг айлаар ороод гарахдаа хүүгийнх нь зургийг дарсан юм" гэлээ.