ХДХВ/ДОХ-ын дахин ГУРВАН тохиолдол бүртгэгджээ

Үндэсний статистикийн хороо нийгэм эдийн засгийн үзүүлэлтийг өнгөрсөн сард танилцуулах үеэр ХДХВ/ДОХ-ын тохиолдол долдугаар сард гурав илэрсэн талаар мэдээлж байв. 

Тэгвэл өнөөдөр танилцуулсан мэдээллээр Улаанбаатар хотод дахин гурван тохиолдол нэмж бүртгэгдсэнийг хэллээ. Ийнхнүү 2019 оны наймдугаар сарын байдлаар ХДХВ/ДОХ-ын тохиолдолд улсын хэмжээнд 280 болов. 

Түүнээс гадна халдварт өвчнөөр өвчлөгчид 2019 оны эхний найман сард 29,200 болж, өмнөх оны мөн үеэс 930(3.3%)- аар нэмэгджээ. Үүнд 

• салхин цэцгээр өвчлөгчид 2,397(46.3%)
• мөөгөнцрөөр өвчлөгчид 58(5.8%)-аар
• сүрьеэгээр өвчлөгчид 58 (2.3%)
• гонококкт халдвараар өвчлөгчид 34 (0.9 %)-өөр
• өссөн нь голлон нөлөөлсөн байна. 

Харин, гар, хөл, амны өвчнөөр өвчлөгчид 1305 (52.1%)-аар, цусан суулгаар өвчлөгчид 284 (7.0%)-өөр, трихомониазаар өвчлөгчид 158 (5.3%)-аар, тэмбүүгээр өвчлөгчид 126 (3.1%)-гаар буурчээ.

Эх сурвалж: ҮСХ