Өнөөдөр Японы Осакад эхэлж байгаа “Их 20”-ын чуулганы тухай

“Их 20” буюу G20 хэмээх чуулганд дэлхийд эдийн засгийн хэмжээ, өсөлтөөр тэргүүлж байгаа 19 улс дээр нэмээд Европын Холбоо оролцдог.

Эдгээр 19 улсад АНУ, Хятад, Япон, Орос, Өмнөд Солонгос, Энэтхэг, Индонез, Австрали, Саудын Араб, Турк, Өмнөд Африк, Британи, Франц, Герман, Итали, Канад, Мексик, Бразил, Аргентин улсууд багтдаг байна.

G20-ын гишүүд нийлээд дэлхийн эдийн засгийн нийт бүтээмжийн 85 хувийг үйлдвэрлэдэг бөгөөд дэлхийн хүн амын гуравны хоёрыг бүрдүүлдэг.

Байнгын ажилтан, үйл ажиллагаагүй G20-ын чуулганы гишүүд жил бүрийн арванхоёрдугаар сард даргалагч орныг ээлжлэн томилж, даргалагч орон нь дараа жилийн чуулганыг зохион байгуулдаг ажээ.

Тэд бас чуулгандаа гишүүн бус улс орнуудыг урих эрхтэй. Жишээ нь Испани улс жил бүрийн чуулганд уригддаг байна.

Анхны G20-ын чуулган 1999 онд Берлинд болж байжээ. Эхэн үедээ зөвхөн сангийн сайд, төв банкны захирлууд чуулдаг байсан.

Харин 2008 оны дэлхийн санхүүгийн хямралаас хойш төрийн тэргүүнүүд байнга оролцдог болжээ. G20-ын удирдагчид тухайн үеийн эдийн засаг, санхүүгийн тулгамдсан асуудлуудыг хэлэлцдэг.

Мөн чуулганы үеэр улс орнуудын төрийн тэргүүнүүдийн уулзалтууд зохион байгуулагддаг. Жишээ нь энэ жилийн чуулганы үеэр АНУ-Хятад, АНУ-Оросын төрийн тэргүүнүүдийн уулзалт анхаарлын төвд байна.

Эх сурвалж: BBC