2020/05/27
Америк доллар
МОНГОЛ БАНК:
2,805.41₮
B30
УЛААНБААТАР
26°
|
B30
УЛААНБААТАР
22°
|
11°
B30
УЛААНБААТАР
|
04:00
S31
05:00
S31
06:00
S32
07:00
S32
10°
08:00
S30
13°
09:00
S30
15°
10:00
S30
18°
11:00
S26
20°
12:00
S26
21°
13:00
S30
22°
14:00
S30
23°
15:00
S30
24°
Энэ мэдээ хуучирсан буюу 2019/04/22 -нд нийтлэгдсэн мэдээ болно.

Уул уурхай, газрын тосны салбарт байгуулагдсан 436 гэрээ ил тод боллоо

Б.Жаргалмаа, IKON.MN
2019 оны 4 сарын 22
iKon.MN
Зураг
Гэрэл зургийг MPA.mn

Иргэн та Монгол Улсын хэмжээнд уул уурхай, газрын тосны салбарт байгуулагдсан 14 төрлийн 436 гэрээтэй www.iltodgeree.mn цахим хаягаар орж танилцаж, зүйл заалтыг нь уншиж, хяналт тавих боломжтой боллоо. УУХҮЯ, Нээлттэй нийгэм форум, Байгалийн баялгийн засаглалын хүрээлэн, Олборлох үйлдвэрлэлийн ил тод байдлын санаачилга(ОҮИТБС)ын ажлын алба, Олон улсын санхүүгийн корпорац зэрэг байгууллага санаа тавьж, хамтран хоёр жилийн өмнө эхлүүлсэн энэ төсөл амжилттай дуусаж, дээрх мэдээллийг нээлттэй болгосноо өнөөдөр танилцууллаа. Үүнд:

  • Орд ашиглах гэрээ
  • Нутгийн захиргааны байгууллагатай байгуулах гэрээ
  • Газар ашиглах гэрээ
  • Ус ашиглах гэрээ
  • Улсын төсвийн хөрөнгөөр гүйцэтгэсэн хайгуулын ажлын зардлыг нөхөн төлөх гэрээ
  • Ашиглалтын өмнөх гэрээ
  • Хөрөнгө оруулалтын гэрээ
  • Тогтвортой байдлын гэрээ
  • Бүтээгдэхүүн хуваах гэрээ
  • Орон нутгийн гэрээ
  • Концессын гэрээ
  • Бичил уурхай эрхлэгч нартай байгуулсан гэрээ

УУХҮ-ийн салбараас Засаг дарга нартай байгуулсан гэрээ зэрэг Засгийн газрын түвшинд байгуулагддаг томоохон гэрээнээс эхлээд тусгай зөвшөөрөл эзэмшигчээс нутгийн захиргаатай байгуулдаг бүхий л гэрээг ил болгож буй юм. Тиймээс иргэд уул уурхай, эрдэс баялгийн салбарт хийгдсэн дээрх төрлийн гэрээнүүд дэх “нууц” гэж зааснаас бусад заалттай танилцаж болох нь. Ингэснээр эрдэс баялгийн салбарт хариуцлага, хуулийн хэрэгжилтийг сайжруулж, авлига, ашиг сонирхлыг зөрчлийн эрсдлийг бууруулах зорилготой. 

 
Гэрэл зургийг MPA.mn

Нээлттэй мэдээллийн энэхүү шинэ платформыг танилцуулах үеэр Нээлттэй нийгэм форумын Гүйцэтгэх захирал П.Эрдэнэжаргал “Эрдэс баялгийн салбарт үйл ажиллагаа явуулж буй аж ахуйн нэгжүүдийн төрд төлсөн татварыг өмнө нь бид нээлттэй болгож байсан бол ийнхүү гэрээнүүдийг ил болгож байна. 

Ашигт малтмалын тухай хууль болон Татварын тухай хуульд нэмэлт, өөрчлөлт оруулснаар  эцсийн өмчлөгчийн талаарх мэдээлэл бүртгэгддэг болсон ч хуулийн заалтууд хэрэгжихгүй байна. Манай улсын нэгдэн орсон ОҮИТБС-ын хүрээнд 2020 оны нэгдүгээр сард эцсийн өмчлөгчдийн мэдээллийг ил тод болгох үүрэг хүлээсэн. Тиймээс цаашид төрийн өмч дээр бусад талтай хийсэн гэрээнүүд, эцсийн өмчлөгчид ил тод болно гэж найдаж байна” гэлээ. 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x