УИХ-ын гишүүд өөрийн сонгогдсон тойргийн сонгогчдод Жижиг дунд үйлдвэрийг хөгжүүлэх сангаас зээл авахад нь дэмжлэг үзүүлсэн, зээлдэгч нь авсан санхүүжилтээ зориулалтын дагуу зарцуулж буй төслүүдийг шалгаж, тухайн дэмжсэн УИХ-ын гишүүдтэй хамааралгүй болох нь тогтоогдсон дараах иргэн, хуулийн этгээдийн төслүүдийн хэрэг бүргэлтийн ажиллагааг дуусгаж, хэргийг хаах саналыг АТГ-аас Нийслэлийн прокурорын газарт хүргүүлжээ.
Үүнд,
Мөн ЖДҮХС-гаас төрийн болон улс төрийн өндөр албан тушаалтнууд албан тушаалын байдлаа урвуулан ашиглаж, өөрсдийн хамаарал бүхий этгээдүүдэд төсөл сонгон шалгаруулах хэлбэрээр өөртөө болон бусдад давуу байдал олгосон 9 этгээдийг эрүүгийн хэрэг үүсгэж, яллагдагчаар татсан байсан.
Үүнээс мөрдөн шалгах ажиллагааны явцад Эрүүгийн хуулийн 22.1 дугаар зүйлийн 22.1.4 дэх хэсэгт заасан гэмт хэргийн шинжтэй үйлдэл нь нотлох баримтаар хангалттай тогтоогдсон гэж үзсэн нэр бүхий улс төрийн нөлөө бүхий 3 яллагдагчид холбогдох хэргийг цаашид шийдвэрлэх боломжтой гэж үзсэн тул ажлын хэсгээс тусгаарлаж шийдвэрлэхээс саналаа прокурорын байгууллагад гаргасан.
Одоогоор дээрх яллагдагч нарын хэргийг шүүхэд шилжүүлээгүй байна гэж албаны эх сурвалж мэдээллээ.