ВИДАН хүнсний үйлдвэрийн дотоод хяналтын лаборатори ISО/IЕС 17025:2018 ОУ-ын стандартын шаардлага хангаж итгэмжлэл авлаа
“ДӨРВӨН ӨЛЗИЙ” ХХК-ИЙН ВИДАН ХҮНСНИЙ ҮЙЛДВЭРИЙН ДОТООД ХЯНАЛТЫН ЛАБОРАТОРИ ISО/IЕС 17025:2018 ОЛОН УЛСЫН СТАНДАРТЫН ШААРДЛАГЫГ ХАНГАЖ ИТГЭМЖЛЭЛ АВЛАА
Монгол улсын үндэсний аюулгүй байдлын бүрэлдэхүүн хэсэг болсон хүнсний аюулгүй байдлыг хангахад лабораторийн гүйцэтгэх үүрэг улам бүр өсөн нэмэгдэж байна.
“Дөрвөн Өлзий” ХХК-н ВИДАН ХҮНСНИЙ ҮЙЛДВЭРИЙН ДОТООД ХЯНАЛТЫН лаборатори нь анх 2015 онд байгуулагдсан ба хэрэглэгчдэд чанарын баталгаатай эрүүл , аюулгүй , хүнсээр үйлчлэх нөхцлийг бүрдүүлэхийн тулд лабораторийн хүчин чадлыг нэмэгдүүлж ажлын байрны нөхцөлийг сайжруулснаар үндэсний болон олон улсын шинжилгээний арга аргачлалын дагуу 30 гаруй нэр төрлийн нөөшилсөн бүтээгдэхүүн 10 гаруй нэр төрлийн түүхий эд материал сав баглаа боодолд хими –физик , хор судлал. нян судлалын үзүүлэлтээр сорилт шинжилгээг хийж гүйцэтгэж байна.
“Дөрвөн Өлзий” ХХК-ийн зах зээлд нийлүүлж буй ВИДАН брэндийн нөөшилсөн бүтээгдэхүүн болон бусад бүтээгдэхүүн нь тус итгэмжлэгдсэн лабораторийн шинжилгээнд бүрэн хамрагдан хэрэглэгч та бүхний гар дээр очиж байгааг дуулгахад таатай байна.
