Уншиж байна ...
Зураг
Зураг
ХУУЧИРСАН МЭДЭЭ: 2019/01/09-НД НИЙТЛЭГДСЭН

М.Энх-Амгалан: УИХ-ын гишүүн Б.Батзориг гэдэг хүн мөрдөн байцаах ажиллагаанд саад учруулж байгаа

А.Ням-Өлзий, iKon.mn
2019 оны 1 сарын 9
iKon.MN
Зураг зураг
Гэрэл зургийг mpa.mn

УИХ-ын нэр бүхий дөрвөн гишүүний бүрэн эрхийг түдгэлзүүлэх саналыг УЕПГ-аас өчигдөр УИХ-д хүргүүлсэн билээ.

Уг саналыг хүлээж авах эсэхийг шийдэхээр УИХ-ын гишүүний халдашгүй байдлын дэд хороо яг одоо хуралдах гэж байна.

Хуралд тус дэд хорооны таван гишүүнээс гадна асуудал нь яригдаж буй УИХ-ын гишүүн Г.Солтан, Б.Ундармаа, Л.Энхболд, Д.Дамба-Очир болон Улсын ерөнхий прокурор М.Энх-Амгалан оролцохоор иржээ.

Хурлын танхим руу орж явахад нь УИХ-ын гишүүн Б.Ундармаагаас асуудлыг тодруулахад ямар нэгэн тайлбар өгсөнгүй.

Харин Л.Энхболд гишүүн "Би ЖДҮХСангаас зээл аваагүй" гэсэн юм.

Улсын ерөнхий прокурор М.Энх-Амгалан "Шалгаж байгаа хэргийн талаар мэдээлэл өгөх боломжгүй байна. Уг нь шалгалтын ажиллагаанд саад учруулна гээд л оруулж ирж байгаа. Энэ асуудалд нааштай хандана гэж бодож байна. Батзориг ойлгомжтой. Батзориг гэдэг хүн бүрэн эрхтэйгээ байгаа тохиолдолд мөрдөн байцаах ажиллагаанд саад учруулж байгаа. Цаашдаа ч учруулах болно" гэлээ.

Дашрамд дурдахад, УИХ-ын гишүүний халдашгүй байдлын дэд хороо нь УИХ-ын хамгийн ахмад таван гишүүнээс бүрддэг. Үүнд:

  1. Ц.Нямдорж
  2. Н.Энхболд
  3. Ч.Улаан
  4. Ө.Энхтүвшин
  5. Д.Лүндээжанцан нарын гишүүд байдаг.

Яг одоо Д.Лүндээжанцан гишүүн Төрийн байгуулалтын Байнгын хорооны хуралдааныг даргалж байгаа учраас дэд хорооны хурал хараахан эхлээгүй байна.