Монголын Нууц Товчоо дэлгэцийн бүтээлийн эхний 10 ангийг үнэ төлбөргүй үзэх боломжтой

Монгол өв соёлыг таниулах зорилготой “МНТ түгээмэл эх” төслийн хүрээнд, Монголын Нууц Товчоог бүрэн зураг чимэглэлтэйгээр англи, солонгос, хятад, унгар, япон, орос, монгол бичиг, кирил монгол долоон хэлээр хэвлэж, олон улсад таниулах ажил бодитой үргэлжилж байна.

Тус бүтээл нь түүх, хүн судлал, археологийн судалгааны сүүлийн үеийн ололтод тулгуурлан түүхэн бодит үнэнийг зураглан толилуулж байгаагаараа ач холбогдолтой.

Тэнгис кино театрт болох нээлтийн өдрүүдэд цувралын эхний 10 ангийг үнэ төлбөргүй үзүүлэхээр зохион байгуулагчид төлөвлөжээ.

Үзвэрийн хуваарь:

Есдүгээр сарын 4- 6-ны өдрүүдэд Тэнгис кино театрын 3 танхимаар 10:00, 11:00, 12:00, 13:00, 14:00, 15:00 цагуудад тус тус олон нийтэд үнэ төлбөргүй үзүүлнэ.

Мөн SkyMedia-ийн хэрэглэгчид есдүгээр сарын 4- 23-н хүртэл үнэгүй үзэх боломжтой.

“Монголын нууц товчоог дэлхийд түгээе” сан