Япончууд 830 мянган иен хандивлалаа
Япон дахь ЮНЕСКО-гийн үйл ажиллагааг дэмжин ажилладаг ТББ-ын гишүүдийн төлөөлөл Монгол бичгийг хамгаалах, сурталчлах үйл ажиллагаанд зориулж цуглуулсан хандивын 830.000 иенийг өнөөдөр ЭСЯ-нд гардууллаа.
Хандивыг монгол бичгийн уран татлагын үзэсгэлэнг Японд гаргахад зарцуулна.
Хандивыг гардуулан өгсөн төлөөлөгч Ю.Окүсава, Х.Касай, К.Кикүшима, Т.Арай нь 1991 онд ”ЮНЕСКО-Азийн соёлын төв”–ийн шугамаар 17 хүний бүрэлдэхүүнтэйгээр Монголд айлчилж, ГХЯ, Боловсролын яам, Монгол дахь ЮНЕСКО-гийн Үндэсний хороо, МУИС-д зочилж байжээ.
Элчин сайдын зүгээс тэдэнд талархал илэрхийлж, Монголын соёл, урлагийг сэргээн хөгжүүлэх талаар өрнөж буй үйл ажиллагааг танилцуулж, дээрх хандивыг монгол бичгийн уран татлагын үзэсгэлэнг Японд гаргахад зарцуулахаа мэдэгдэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
