“Пёнчан-2018” наадмын цанын төрөлд оролцох Монголын хоёр тамирчны эрх баталгаажжээ
“Пёнчан-2018” Өвлийн XXIII Олимпийн наадмын эрх олгох журмыг үндэслэн Олон улсын цанын холбооноос Олимпийн наадамд оролцох тамирчдын квотыг нэгдүгээр сарын 22-ны өдөр зарласан билээ.
Олон улсын олимпийн хороо, "Пёнчан-2018" Өвлийн XXIII Олимпийн наадам Зохион байгуулах хорооны журмын дагуу Монголын үндэсний олимпийн хороо нь Монголын цанын холбооны шийдвэрийг үндэслэн гүйлтийн цанын төрөлд оролцох хоёр тамирчны эрхийг албан ёсоор баталгаажуулав.
"Пёнчан-2018" Өвлийн олимпийн наадамд:
- ОУХМ Б.Ачбадрах (дундаж оноо 122.79) 15 км,
- ОУХМ Ч.Отгонцэцэг (дундаж оноо 156.86) 10 км-ийн зайд 2 дугаар сарын 15,16-ны өдрүүдэд хурд, хүч, авхаалж, самбаа, тэсвэр, тэвчээрээ сорин өрсөлдөх аж.
Эх сурвалж: Монголын үндэсний олимпийн хороо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
